विश्वका सय नवोदित नेतामा बालेन शाह पनि, टाइम म्यागेजिनले प्रकाशित गर्यो नाम
टाइम म्यागेजिनले काठमाडौं महानगरपालिकाका मेयर बालेन शाहलाई सन् २०२३ मा सय उदयीमान व्यक्तिको सूचीमा समावेश गरेको छ । म्यागेजिनले ‘टाइम हन्ड्रेड नेस्क्ट’ सूचीमा बालेनको नाम पनि समावेश गरेको हो ।
म्यागेजिनले स्वतन्त्र उमेदवार बनेर ३३ वर्षीय बालेनले टिकटक, ट्विटर र इन्स्टाग्रामको प्रयोगबाट चुनाव जितेको उल्लेख गरेको छ ।
बालेनले सन् २०१५ को विनाशकारी भूकम्पको समयमा जनताको साना तथा अत्यावश्यक समाधानमा जोड दिएको उल्लेख गरिएको छ । बालेनले फोहोर विसर्जन, सरसफाइ, सुरक्षित पिउने पानी, सफा सडक र सहरी विकाससँगै सांस्कृतिक सम्पदाको संरक्षणमा योगदान पुर्याएको टाइम म्यागेजिनको भनाइ छ ।
टाइम म्यागेजिनले सहरका अवैध संरचना भत्काइरहेको विषयको प्रशंसा गरेको छ ।
२०७९ बैशाखको स्थानीय तह निर्वाचनमा स्वतन्त्र उम्मेदवारी दिएर यथास्थितीप्रतिको मतदाताको असन्तुष्टिबीच टिकटक, ट्विटर र इन्स्टाग्राममार्फत बालेन इफेक्ट सिर्जना गरेको टाइमले लेखेको छ ।
टाइमको यस्तो सूचीमा बालेन सहित यूरोपेली संसद्का अध्यक्ष रोर्बट मेट्सोला, स्कटल्यान्डका फस्र्ट मिनिस्टर हम्जा यसुफा, युक्रेनका प्रथम उपप्रधान तथा अर्थमन्त्री युलिया सिभरिडियेन्का, भारतीय महिला क्रिक्रे खेलाडी हर्मनप्रित कौर लगायत परेका छन् ।
बलेनले चुनावी अभियानमा २०१५ को भूकम्पको प्रभाव कायमै रहेको काठमाडौंको बाँकी पूर्ननिर्माण, फोहरमैला तथा सरसफाईको उचित प्रवन्ध, स्वच्छ खानेपानी, सफा सडक र सास्कृतिक सम्पदाको संरक्षणसहित सहरी विकासको प्रतिवद्धता गरेको र ती प्रतिबद्धता पूरा गर्ने क्रममा शहरी गरिवमाथी परेको असर र उनीहरु बस्ने घर भत्काउने कार्य गैरकानुनी देखिएको भन्दै आलोचना खेप्नुपरेको पनि टाइमलले लेखेको छ ।
मेयर पद सम्हालेपछि बालेनले ल्यान्डफिल साइडको उपयोग र फोहोर बर्गीकरण गरि नकुहिने फोहोरको ब्यवस्थापनका लागि विभिन्न सम्झौता गरेको समेत टाइमलले लेखेको छ छ ।
