नेकपा माओवादी केन्द्र निकट अहिखल क्रान्तिकारीले सिन्धुपाल्चोकका हेलम्बु मेलम्ची क्षेत्रका बाढीपीडितलाई राहत वितरण गरेको छ ।

बाढी प्रभावित क्षेत्र सिन्धुपाल्चोकको हेलम्बु गाउँपालिका वडा नं २, चनौटेमा अखिल (क्रान्तिकारी) केन्द्रिय अध्यक्ष रन्जित तामाङको नेतृत्वमा राहत वितरण कार्यक्रम गरिएको उपाध्यक्ष सुरेन्द्र बस्नेतले जानकारी दिए ।

उनका अनुसार बाढी पीडितहरुलाई दिने गरी वडाध्यक्षलाई राहत हस्तान्तरण गरिएको हो । राहत सामग्रीमा चामल १३५ बोरा चामल, १०० केजी दाल , १०० थान ब्ल्यांकेट, १५० वटा सोलार लाइट, २ बन्डल म्याट्रेस, ७० थान टेन्ट, साबुन २०० थान, नुन १० केजी, त्रीपाल १०० थान र आधारभुत स्वास्थ्य सामग्री लगायत ६ लाख बराबर रकमको राहत रहेका छन् । क्रान्तिकारीका अध्यक्ष तामाङले एकद्वार प्रणाली अनुसार वडा अध्यक्षलाई हस्तान्तरण गरिएको बताए ।