जन्मदिनमा केक काटेर विभिन्न परिकारका साथ भोज खाने र फेसबुकमा पोष्ट गर्ने काम त सबैले देखेकै र गरेकै कुरा हो तर आफ्नो जन्मदिनमा विपन्न र असहायलाई सेवा गर्नेहरु भने अत्यन्तै नगन्य छन् । हो त्यही नगन्य मानिसहरुको सूचीमा पर्नुहुन्छ नेपालको मुख्य राजमार्गको केन्द्रमा पर्ने चितवनको मुग्लीन बजारका युवा व्यवसायी रामहरि कँडेल ।

मुग्लिन बजारका युवा व्यवसायी एवं समाजसेवी रामहरी कडेंलले जन्मदिनको अवसरमा आज विपन्न परिवारलाई खाद्यान्न वितरण गर्नुभएको हो । व्यवसायी कडेंलले आज परेको जन्मदिनको अवसरमा मुग्लिनका १५ घर विपन्न परिवारका लागि खाद्यान्न सामाग्री वितरण गर्नुभएको हो ।

धादिङको मलेखुमा जन्मीएर हाल मुग्लीन बजारमा त्रिवेणी ग्रील सटर उद्योगका सञ्चालक रहेका उहाँले जन्मदिनमा प्रति परिवार १ बोरा चामल, १ प्याकेट नुन र १ प्याकेट खानेतेल वितरण गर्नुभएको हो।

यस अघि पनि पटक पटक आफ्नो बर्कतले भ्याएसम्म समाजसेवा र राजनीतिमा आवद्ध कँडेलले कोरोना महामारीको कारण संकटमा परेका परिवारलाई बाँचौ र बचाऔं भन्ने अभिप्रायले आफ्नो जन्मदिनको अवसरमा खाद्यान्न उपलब्ध गराएको बताउनुभयो ।

उहाँ इच्छाकामना उद्योग संघको निर्देशक एवं चितवन मेटल इन्जिनियरिङ एण्ड फ्रेब्रिकेशन समितिका जिल्ला सदस्य समेत हुनुहुन्छ ।

नेकपाको स्थानिय नेता समेत रहेका कँडेल राज्यद्वारा वेपत्ता पारिएका नागरिकका परिवार पनि हुनुहुन्छ । उहाँको भाई अमृत कँडेललाई तत्कालिन राज्यपक्षले माओवादीमा आस्था राखेको आधारमा काठमाडौंबाट गिरफ्तार गरी हालसम्म वेपत्ता बनाएको छ । उहाँका ४ दाजुभाईमध्ये उहाँ माइला छोरा हुनुहुन्छ ।

यसअघि पनि कँडेलले कोरोनाका कारण लकडाउन भएर सबैको व्यवसाय धराशायी र बन्द भएपछि आफ्नो घरमा भाडामा लिइ व्यवसाय गर्नेको मासिक ६० हजार भाडा मिनाहा गर्नुभएको थियो ।

आफु मात्रै खाउँ, आफु मात्रै लाउ, आफू मात्रै बाचुँ भन्ने उपभोत्तावादी संस्कार र पवृत्तिले गाँजिरहेको बेला आफ्नो जन्मदिनमा आफूले दुख गरेर कमाएको रकम कोरोना कहरका बीच विपन्न परिवारलाई वितरण गर्नु कँडेलप्रति हाम्रो पनि सम्मान छ । उहाँको थप उत्तरोत्तर प्रगतिको कामना ।