विश्वव्यापी महामारीको रुपमा फैलिएको कोरोना भाइरस कोभिड १९ को कारण नेपालमा आजसम्म ज्यान गुमाउनेको संख्या १ सय ४ पुगेको छ ।

साउनको अन्तिम दिनसम्म पछिल्लो २४ घण्टाभित्र नेपालमा ६४१ जनामा कोरोना संक्रमीत थपिएका छन र जम्मा संक्रमितको संख्या २६ हजार ६ सय ६० पुगेको छ ।

स्वास्थ्य तथा जनसंख्या मन्त्रालयका अनुसार आइतबार २ जनाको कोरोना संक्रमणका कारण मृत्यु भएको छ भने जम्मा मृत्यु हुनेको संख्या १०४ पुगेको छ । आज उपत्यकामा कोरोना संक्रमितको संख्या १७२ थपिएका छन् ।

यो संख्या १२ हजार २ सय ४७ जनाको पीसीआर विधिबाट परीक्षण गर्दा यी संक्रमित भेटिएका हुन् । देशभर ९ हजार २ सय ४१ जना कोरोना भाइरसका सक्रिय संक्रमित रहेका छन् ।