नेकपा अध्यक्ष पुष्पकमल दाहाल प्रचण्डकाे सुरक्षाको दाेश्राे घेरामा खटिने ६ जना सुरक्षाकर्मी प्रहरीलाई काेराेना संक्रमण पुष्टि भएको छ ।

ब्यारेकमा बसेर प्रचण्डको सुरक्षामा खटिएका ६ जनामा कोरोना पुष्टि भएको निजी सचिवालयले जनाएको छ । सचिवालयका एक सदस्यले भने, ‘ब्यारेकमा बसेर अध्यक्षको सुरक्षामा खटिने ६ जना नेपाल प्रहरीमा कोरोना पुष्टि भयो । त्यसले अध्यक्ष प्रचण्डसहित सबैजनाको कोरोना टेष्ट गरिएको थियो ।’

प्रचण्डसहित सचिवालय र सुरक्षामा खटिएका अन्य सुरक्षाकर्मीको पनि कोरोना भाइरसको परीक्षणका लागि स्वाब परीक्षण गरिएको थियो । प्रचण्डसहित सबैजनाको रिपोर्ट नेगेटिभ आएको छ ।