झन बढ्यो चिसो : काठमाडौंको तापक्रम ०.६ डिग्री, यस्तो छ देशभरको ३ दिनको मौसम. झन बढ्यो चिसो: काठमाडौंको तापक्रम ०.६ डिग्री, यस्तो छ देशभरको ३ दिनको मौसम. मूलखबर संवाददाता काठमाडौं, १२ पुस । शनिबार बिहान काठमाडौंको तापक्रम ०.६ डिग्री सेल्सियसमा झरेको छ । मौसम पूर्वानुमान महाशाखाका अनुसार आज शनिबार बिहान ६ बजे काठमाडौंको तापक्रम ०.६ डिग्री सेल्सियस पुगेको हो । शनिबार बिहान मापन गरिएको काठमाडौंको तापक्रम यो वर्षकै कम हो ।. यसअघि बिहीबार काठमाडौंको तापक्रम ०.९ डिग्री सेल्सियस मापन गरिएको थियो ।. मौसमविद् शान्ति कँडेलका अनुसार चिसो बढ्ने क्रम जारी रहेकाले काठमाडौंलगायत देशभरको तापक्रम अझै न्यून बिन्दुमा पुग्न सक्ने सम्भावना रहेको छ ।. अहिले नेपालमा उल्लेखनीय मौसमी प्रणाली विकसित नभए पनि तराई भूभागमा हुस्सु लागेको छ । तराईमा आउँदो २४ घण्टासम्म बाक्लोहुस्सुरकुहिरो रहने हुनालेराम्रो सँग घाम नलाग्ने मौसमविद्‌ले बताएका छन् ।चिसोबाट बच्न रयात्रामा पर्न सक्ने जोखिम र अन्य प्रभावहरुबाट बच्न सतर्कता अपनाउन मौसमविद्‌ले सुझाव दिएका छन् । मौसम पूर्वानुमान महाशाखाका अनुसारआगामी तीन दिनको मौसम यस्तो रहनेछ. पौष १२गते (शनिबार). दिउँसो: देशभर मौसम सामान्यतयासफा रहनेछ।. राति: देशभर मौसम सामान्यतया सफारहनेछ।. पौष १३गते (आइतबार). दिउँसो: देशभर मौसम सामान्यतयासफा रहनेछ।. राति: देशभर मौसम सामान्यतया सफारहनेछ।. पौष १४गते (सोमबार). दिउँसो: देशको पूर्वी पहाडीभभागमा आंशिक बदली रही बाँकी भूभागमा मौसम सामान्यतया सफा रहनेछ।. राति: देशको पश्चिमी पहाडीभूभागमा आंशिक बदली रही बाँकी भूभागमा मौसम सामान्यतया सफा रहनेछ।यो खबर कान्तिपुरमा छ ।.