एमसिसि इण्डाे प्यासिफिक रणनीतिकाे अंग हाे भने अनुमाेदन गरिन्न – प्रचण्ड. मूलखबर संवाददाता काठमाडौं, ५ पुस सत्तारुढ दल नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्डले अमेरिकासँग भएको मिलेनियम च्यालेन्ज कर्पोरेसन (एमसीसी) सम्झौता इन्डो प्यासिफिक स्टाट्रेजीको अंग भए अनुमोदन नगर्ने बताउनुभएकाे छ ।. शुक्रबार नेकपा संसदीय दलको बैठकलाई सम्बोधन गर्दै अध्यक्ष प्रचण्डले एमसीसी इन्डो प्यासिफिकको अंग नभएको पुष्टि भए मात्रै त्यसलाई अनुमोदन गर्ने बताउनुभएको हाे ।. नेकपा स्थायी समिति बैठकमा एमसीसी सम्झौतालाई लिएर अनुमोदन गर्नुपर्ने र अनुमोदन गर्न नहुने धारणा आएपछि बसेको संसदीय दलको बैठकमा अध्यक्ष प्रचण्डले एमसीसीका बारेमा सरकारले अमेरिकी अधिकारीहरुसँग बुझ्ने र अगाडिको मार्ग तय गरिने स्पष्ट पार्नुभयाे ।. नेकपाको जारी स्थायी समितिको बैठकमा नेताहरुले एमसीसी अमेरिकाको इन्डो प्यासेफिक स्टाट्रेजीको अंग भएको भन्दै त्यसलाई संसदबाट अनुमोदन गर्न नहुने धारणा राखेका थिए । नेकपाभित्रको अन्यौलको कारण संसद दर्ता गरिएको सम्झौता अनुमोदन हुन सकेको छैन ।. तर, पार्टी अध्यक्ष तथा प्रधानमन्त्री केपी शर्मा ओलीले यसअघि नै एमसीसी अनुमोदन हुने बताइसक्नुभएकाे थियाे । नेकपा बैठकमा देव गुरूङ, भीम रावल, लिलामणी पोखरेल, सहितका स्थायी समिति सदस्यहरुले अमेरिकी सैन्य गठबन्धनको अंग भएको भन्दै त्यसको अनुमोदन गर्न नहुने धारणा राखेका थिए ।. एमसिसि पारित गर्न नमानेको कारण सभामुख महरालाई षड्यन्त्र गरि फसाइएकाेे र सभामुखबाट हटाईएकाे समाचारहरू पनि अाईरहेका छन् ।.