सत्तारुढ दल नेपाल कम्युनिष्ट पार्टी नेकपाको सचिवालय बैठकले आजैबाट बस्न लागेको स्थाय समितिको बैठकको एजेण्डा तय गरेको छ ।
प्रधानमन्त्रीको सरकारी निवास बालुवाटारमा आइतबार विहान सम्पन्न बैठकले आजैबाट शुरु हुन लागेको स्थायी समितिको बैठकका एजेण्डा तय गरेको जानकारी प्रबक्ता तथा सचिवालय सदस्य नारायणकाजी श्रेष्ठले सञ्चारकर्मीहरुलाई दिनुभएको छ ।

प्रबक्ता श्रेष्ठले आजको बैठकमा पार्टी अध्यक्ष एवं स्वास्थ्य लाभ गरिरहनुभएका प्रधानमन्त्री के पी शर्मा ओली पनि सहभागि हरनुभएको र उहाँले आफ्नो स्वास्थ्यको बारेमा जानकारी गराउनुभएको बताउनुभयो । ‘प्रधानमन्त्रीले स्वास्थ्यमा तिब्र रुपमा सुधार भइरहेको जानकारी गराउनुभयो, बैठकले तिब्र र सिघ्र स्वास्थ्य लाभको कामना गरेको छ । पूर्ण स्वास्थ्य लाभको कामना गरेको छ ।’ प्रबक्ता श्रेष्ठले प्रधानमन्त्रीलाई उद्धृत गर्दै जानकारी दिनुभयो ।

त्यसैगरी प्रबक्ता श्रेष्ठले आजको सचिवालय बैठकले स्थायी समितिको बैठकको एजेण्डा तय गरेको बताउँदै एजेण्डामा आगामी केन्द्रीय समितिको बैठक देखि भारतद्धारा गरिएको नेपाली भुमिमाथिको अतिक्रमण्का विषय पनि रहेको बताउनुभयो । उहाँले भन्नुभयो , आजको बैठक विशेष गरेर आजैबाट शुरू हुने स्थायी समितिको एजेण्डा तय गर्ने विषयमा आयोजना गरिएको थियो ।

श्रेष्ठका अनुसार स्थायी समितिको बैठकको पहिलो एजेण्डा पार्टीका कार्यकारी अध्यक्ष पुष्पकमल दाहाल प्रचण्डद्वारा राजनीतिक प्रतिवेदन प्रस्तुत गर्ने रहेको र त्यसको लागि प्रधानमन्त्री तथा अध्यक्ष केपी वलीसँग परामर्श गर्ने कुरा भएको छ ।
त्यसैगरी स्थायी समितिको दोश्रो एजेण्डा विधान शंसोधन, तेश्रो एजेण्डा नेपाल भारत सिमा समस्याबारे र चौथो एजेण्डा आगामी केन्द्रीय समितिको बैठकको विषय रहेका छन् । स्थायी समितिको बैठक आज १ बजे धुम्बाराहीमा बस्ने निर्णय पनि सचिवालय बैठकले गरेको छ ।

https://www.facebook.com/suresh.k.shrestha.5/videos/10220828441930519/?t=2