गैर आवासिय नेपाली संघको नवौं विश्व सम्मेलन एवम् अधिवेशन राजधानी काठमाडौंमा शुरु हुँदैछ । अधिवेशनले नयाँ नेतृत्व चयन समेत गर्ने भएकाले विश्वभरबाट नेपालीहरु राजधानीमा आइसकेका छन् । उम्मेदवारी घोष्णाको क्रम चलिरहेको छ । त्ष्सै क्रममा एनआरएनए युरोप क्षेत्रीय संयोजकमा नारायण आचार्यले आफ्नो उम्मेदवारी प्रस्तुत गरेका छन् ।

विगत लामो समयदेखि रोजगारी र व्यवसायको सिलसिलामा युरोपको नेदरल्याण्डमा बसोवास गरिरहेका आचार्य समाजसेवी र इमान्दारको परिचय बनाउन सफल छन् । उनी यस अघि नेदरल्याण्डको अध्यक्ष र आइसिसि सदस्य समेत भएर जिम्मेवारी सफलतापुर्वक निर्वाह गरिसकेका छन् ।

यस पटक आफूले युरोप संयोजकको भुमिका निर्वाह गर्न तयार भएर उम्मेदवारी दिएको उनको भनाई छ ।
विशेष गरी गैर आवासिय नेपालीलाई राज्यबाट दिइने नगारिकता लगायतका अधिकार र गैर आवासिय नेपालीको अधिकार तथा नेपालको समृद्धि र विकासमा आफूले धेरै गर्न सक्ने दावी आचार्यको छ ।