१८ जिल्लाका २० सडक अवरुद्ध, हाेसियार !

17 Hits

काठमाडौँ,२९ असार ।

बिहीबारदेखि परेको अविरल वर्षापछि आएको बाढीपहिरोले देशका १८ जिल्लाका २० स्थानमा सडक यातायात अवरुद्ध भएको छ । पूर्व–पश्चिम राजमार्गदेखि जिल्ला–जिल्ला जोड्ने सडकहरू अवरुद्ध भएको नेपाल प्रहरीले जनाएको छ । 


प्रहरीका अनुसार बाराको जितपुर सिमरास्थित राजमार्ग अवरुद्ध भएको छ भने काभ्रे रोसी गाउँपालिकाको माम्तीमा लेदो आई बीपी राजमार्ग अवरुद्ध भएको छ । त्यस्तै सिन्धुलीको सुनकोसी गाउँपालिकाको कमेरीमा पनि बीपी राजमार्ग अवरुद्ध छ । 


उदयपुरको घुर्मी–कटारी सडकखण्डमा भदौर खोलाको पानी जमेपछि अवरुद्ध भएको हो । यस्तै ओखलढुङ्गा जिल्लाको मानेभञ्ज्याङ गाउँपालिकाको सिद्धिचरण राजमार्ग पनि बाढीका कारण अवरुद्ध भएको छ । 


नेपाल प्रहरीका अनुसार इलाम सूर्योदयको ढोडेस्थित बारबोटेदेखि नयाँ बजार जाने भित्री सडकखण्ड र तेह्रथुमको म्याङ्लुङ–वसन्तपुर सडकखण्डमा पहिरो खसेपछि बाटो बन्द छ । यसैगरी चितवनको ठोरी, मुस्ताङको घोप्टे भीरमा, मनाङको म्यादीखोलामा पानीको बहाव बढेपछि बाटो अवरुद्ध भएको छ । 


ललितपुरका भट्टेडाँडा, आग्राङ, टुङ्गुन र शान्ति लोकपथ हेटाँैडा जाने सडकखण्ड अवरुद्ध भएको छ । मकवानपुरको कुलेखानी सडकअन्तर्गत भीमफेदीको बाघझोरा खोलामा लेदो खसेर हेटौँडादेखि भीमफेदी–काठमाडौँ सडकखण्ड र इन्द्रसरोवर गाउँपालिका महालक्ष्मी खोला नजिक पहिरो आई फाखेल हुँदै काठमाडौँ आउने सडकखण्ड अवरुद्ध भएको छ । 


धादिङ नौबिसेदेखि हेटौँडा जाने त्रिभुवन राजपथमा रूख ढलेका कारण नौबिसेभन्दा तीन–चार किलोमिटर हेटौँडातर्फ जाने सडक अवरुद्ध भएको छ । महोत्तरीको बर्दिबास नगरपालिका–१ र ४ नम्बर वडा जोड्ने भप्सीखोलाको पुल बगाएर लगेपछि पूर्व–पश्चिम राजमार्ग अवरुद्ध भएको छ । 
रामेछापबाट मन्थली आउने बाटो पनि बाढीका कारण अवरुद्ध भएको छ ।

रसुवा–स्याफ्रुबेँसी सडकखण्ड, कालीकोट पिली बजारदेखि दुई किमि उत्तर जुम्लातर्फ जाने सडकखण्ड, कर्णाली राजमार्ग र दैलेखको गुराँसस्थित सुर्खेत सडकखण्ड अवरुद्ध भएको छ ।

Loading...

Related News

बाढीपीडितलाई तत्काल राहत दिने मन्त्रिपरिषदकाे निर्णय

काठमाडौं, ३० असार – सरकारले बाढी, पहिरो तथा डुवान क्षेत्रमा तत्काल अत्यावश्यक सेवा सुचारु गर्ने निर्णय गरेको छ । आइतबार…

बाढी पहिरो क्षति : मृतक संख्या ४३ पुग्याे, घाइते २०

काठमाडौं, २९ असार – अविरल वर्षाको कारण देशका विभिन्न स्थानमा आएको बाढीपहिरो र डुबानबाट ४३ जनाको मृत्यु भएको छ ।…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का