फेरि दिए डा. केसीले अनसनको चेतावनी

28 Hits

काठमाडौं, २६ असार ।
पटक पटक आमरण अनसन बसेर चर्चित बनेका वरिष्ठ चिकित्सक डा. गोविन्द केसीले फेरी अनशनको चेतावनी दिएका छन् । डा. गोविन्द केसीले मिडिया काउन्सिल विधेयक फिर्ता गर्न माग गर्दै अनसनको चेतावनी दिएका हुन् ।

Dr. Govinda KC Photo: THT File

बिहीबार प्रेस विज्ञप्ति जारी गर्दै उनले राष्ट्रिय मानव अधिकार आयोगको स्वायत्तता खोस्ने र आयोगलाई प्रभावहीन बनाउने नियतले ल्याइएको संशोधन विधेयक पनि तत्काल खारेज गर्न माग गरेका हुन्।

चिकित्सा शिक्षा ऐनका माफियामुखी प्रावधानहरू हटाउने गरी ऐन संशोधन गर्न तथा चिकित्सा शिक्षा आयोगको उपाध्यक्षमा योग्यतम तथा कार्यक्षमता प्रमाणित भइसकेको व्यक्ति नियुक्त गर्नुपर्ने बताए।

स्वास्थ्य र चिकित्सा शिक्षा क्षेत्र सुधार तथा सुशासनका लागि लामो समयदेखि संघर्ष गरिरहेका केसीले सरकारले ल्याएका विधेयक फिर्ता नगरे कडा आन्दोलन गर्ने चेतावनी दिएका छन्।
चिकित्सा क्षेत्रका यावत विकृतिहरू रोकेर गुणस्तरीय जनशक्ति उत्पादनका लागि दुरुस्त ऐन र त्यस अन्तर्गत नियमनका लागि बलियो चिकित्सा शिक्षा आयोग हुनुपर्छ भन्ने माथेमा कार्यदलको निश्कर्षपछि हामी निरन्तर त्यसका लागि लडिरहेका छौं केसीले भने, यसबीच राज्यबाट पाइला पाइलामा हामीलाई झुक्याउने काम भयो। हामीसित भएका सम्झौताहरू बारम्बार उल्लंघन भएका छन्।


विज्ञप्तिमा लामो सत्याग्रहपछि २०७५ साउन १९ गते चिकित्सा शिक्षा विधेयकमा बुँदागत रूपमा संशोधन गरेर पारित गर्ने प्रतिबद्धतासहित सरकारले सम्झौता गरे पनि पछि सुधारको मर्मविपरीत प्रधानमन्त्रीकै निर्देशनमा माफियामुखी प्रावधानहरू राखेर जबर्जस्ती ऐन पारित गरिएको उल्लेख गरिएको छ।


हामीले निरन्तर उक्त ऐनमा हामीसँग भएको सम्झौताबमोजिम संशोधन गर्न माग गर्दै आएका छौँ,केसीले जारी गरेको विज्ञप्तिमा भनिएको छ, त्यसको सुनुवाइ गरिएको छैन। बरू पछिल्लो समय चिकित्सा शिक्षा आयोगको उपाध्यक्ष नियुक्तिमा विकसित घटनाक्रमहरूले हाम्रो गम्भीर ध्यानाकर्षण गराएका छन्। स्मरण रहोस्, आयोगको उपाध्यक्ष नियुक्ति कसैलाई जागिर ख्वाउने वा कसैको स्वार्थ पूर्ति गर्नेभन्दा निकै बढी सम्वेदनशील कुरा हो।

Loading...

Related News

डाक्टर नै भ्रष्टाचारी ठहर : डा. भक्तमानलाई १ वर्ष कैद, १ करोड १८ लाख जरिवाना

काठमाडौं, १४ कात्तिक चितवनको भरतपुरस्थित बिपी कोइराला क्यान्सर अस्पतालका पूर्वअध्यक्ष डा।भक्तमान श्रेष्ठलाई विशेष अदालतले भ्रष्टाचारी ठहर गरेको छ । विशेष अदालतका…

डा केसी भागे : शिक्षा मन्त्रालय

मूलखबर संवाददाता काठमाडौं, १३ असोज । लगातार अनसन बसेर चर्चित वरिष्ठ चिकित्सक डा. गोविन्द केसी सरकारसँग सम्पर्कमै नआई पुन अनसनको…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का