मेलम्चीको बाँकी कामको ठेक्का आव्हान, ११ महिनामा उपत्यकामा पानी

32 Hits

काठमाडौं, ५ असार ।
खानेपानी तथा सरसफाइ मन्त्रालयले मेलम्ची खानेपानी आयोजनाको सुरुङसहित बाँकी निर्माणको काम पूरा गर्न ठेक्का आह्वान गरेको छ । करिव ६ महिनादेखि ठप्प रहेको आयोजनाको काम अघि बढाउन ठेक्का आह्वान गरिएको हो ।

मन्त्रालयका सचिव दीपेन्द्रनाथ शर्माका अनुसार १० वटा प्याकेजमा टेन्डर आह्वान गरिएको छ । ‘व्ययभार नबढ्ने गरी टेन्डर आह्वान गरेका छौं,’ उनले भने– ‘चाँडै सबै प्रक्रिया पुर्‍याएर काम अघि बढाउँछौं ।’

सचिव शर्माका अनुसार मेलम्चीको बाँकी कामलाई मुख्य दुइटा प्याकेजमा विभाजन गरिएको छ । तिनलाई पनि १० वटा स–साना प्याकेजमा बाँडिएको छ । पहिलो प्याकेजभित्र हेडवर्क्सअन्तर्गतको ड्याम निर्माण, पुल निर्माणलगायत छन् भने दोस्रो प्याकेजमा सुरुङभित्रको फिनिसिङ, गेट, भेन्टिलेटरलगायतका निर्माणकार्य छन् ।

विभिन्न प्याकेजमा काम गर्दा करिव ११ महिनाभित्र पानी उपत्यकामा ल्याउन सकिने सचिव शर्माले बताए । सुरुङलगायतका काम सम्पन्न गर्न करिव २ अर्ब ५२ करोड रुपैयाँ लाग्ने आयोजनाको अनुमान रहेको खबर कान्तिपुरमा छ ।

Loading...

Related News

मेलम्ची आयोजना अगाडि बढाउन मन्त्रीकाे पहलमा उच्चस्तरीय बैठक

काठमाडौं, २५ असार । मेलम्ची खानेपानी आयोजनाको कामलाई तिव्रता दिन सिंहदरबारमा उच्चस्तरीय बैठक सम्पन्न भएको छ । खानेपानी मन्त्री बिना…

मेलम्ची कसरी सम्पन्न गर्ने ? यस्ता छन् माेडालिटी

काठमाडौँ, ५ वैशाख – मेलम्ची खानेपानी आयोजना निर्माण कार्य बन्द भएको चार महिना पुग्यो तर यसको निर्माण कहिलेदेखि सुचारु हुने…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का