प्रधान सेनापति चीनमा : जनमुक्ति सेनासँग भयो महत्वपूर्ण सम्झौता

39 Hits

काठमाडौं, ५ असार–
नेपाली सेनाका प्रधान सेनापति पूर्णचन्द्र थापा जनवादी गणतन्त्र चीनको औपचारिक भ्रमणमा रहेका छन् । प्रधानसेनापति थापाले बुधबार चीनको केन्द्रीय सैन्य परिषद्का सदस्य तथा प्रधानसेनापति ली जुओचाङसँग शिष्टाचार भेटवार्ता गरेका छन् ।

सो अवसरमा प्रधानसेनापति थापाले चिनियाँ जनमुक्ति सेनाबाट नेपाली सेनालाई मानवीय तथा विपद् व्यवस्थापन सहयोगअन्तर्गत प्रदान भएको १५ करोड युआन बराबरका सामग्री, उद्धार सामग्री तथा विभिन्न प्रकारका सवारी साधनहरू प्राप्त गर्ने सम्बन्धीको प्रोटोकल सम्झौतामा हस्ताक्षर गरे ।

प्रधानसेनापति थापाले बेइजिङस्थित चिनियाँ जनमुक्ति सेनाको विभिन्न सैनिक संरचनाको निरीक्षण भ्रमण गर्नुका साथै ग्रेटवाललगायत अन्य महत्वपूर्ण पर्यटकीय स्थलको भ्रमणसमेत गरेको सैनिक जनसम्पर्क तथा सूचना निर्देशनालयले जनाएको छ ।

जनवादी गणतन्त्र चीनको जनमुक्ति सेनाको औपचारिक निमन्त्रणामा यही असार १ गतेदेखि सप्ताहव्यापी चीन भ्रमणमा रहेका प्रधानसेनापति थापा असार ७ गते स्वदेश फर्कने कार्यक्रम छ ।

Loading...

Related News

सिंहलाई इञ्जिनियरिङ्ग विभागको जिम्मेवारी

काठमाडाैं, २ असार –  काठमाडौैं–तराई द्रुत मार्ग आयोजनाका प्रमुख रहेका उपरथी योगेन्द्र खाँडलाई अवकास विदा बस्नु अघि नै सो पदबाट…

सेनापतिकाे अर्को एक्सन : पहिलाेपटक शैक्षिक प्रमाणपत्र छानविन शुरू

काठमाडौं, २२ बैसाख – नेपाली सेनाले सैन्य कर्मचारीहरूको शैक्षिक प्रमाणपत्र छानबिन थालेको छ । अहिले परीक्षा नियन्त्रण कार्यालय सानोठिमीमा जवान…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का