जेल (कविता) -कृष्णसेन ईच्छुक

29 Hits

काठमाडौं, १३ जेठ – क्रान्तिकारी कवि, पत्रकार र साहित्यकार कृष्ण सेन इच्छुककाे हत्या भएको अाजकै दिन हाे । उनकाेे स्मृति दिवस देशभर विभिन्न कार्यक्रम गरि मनाईँदैछ । उनले लेखेकाे याे कविता उनकै सम्मान र सम्झनाकाे लागि साभार गरि प्रस्तुत गरिएको छ ।

म पर्खालभित्र छु
तिमी पर्खालबाहिर छौ
म पहराभित्र छु
तिमी पहरा बाहिर छौ
म यातना गृहमा छु
तिमी खुल्ला शिविरमा छौ
सिकारीले बाँधेको छाँद होस्
अथवा त्यो उसको फाँद होस्
के फरक पऱ्यो र ?
मित्र, अर्काको मुट्ठीभित्र पराधीन जिन्दगी
जहाँ काटनु परे पनि त्यो जेल हुन्छ।

जहाँ जीवन बन्धनभित्र कैद हुन्छ
जहाँ सुन्दर सपना सधैं अवैध हुन्छ
जहाँ मुक्त आकांक्षा बन्देज हुन्छन्
जहाँ हार्दिक भावहरुमा ठेस लाग्छ
अनि जहाँ वासी हावा बहने दुर्गन्धमा पनि
निर्धक्क शास फेर्न प्रतिबन्ध हुन्छ
बन्दुकको पहरा होस्
अथवा त्यो कानुनको घेरा होस्
के फरक पऱ्यो र ?
मित्र, भयभित परिवेशमा त्रासित जिन्दगी
जहाँ बाच्नु परे पनि त्यो जेल हुन्छ।

जहाँ बेला-कुबेला रमन घुमिरहन्छ
जहाँ कारण-अकारण साइरन बजिरहन्छ
सडकमाथि बेलगाम घोडाको टाप जस्तै
जहाँ चर्को आवाज गरी मार्च-पास चलिरहन्छ
अनि जहाँ मौसम-बेमौसम बारुदहरु गर्जेर
सधैं रगतको झरी परिरहन्छ
पर्खालभित्र होस्
अथवा त्यो पर्खाल बाहिर होस्
के फरक पऱ्यो र ?
मित्र, सधैं छातीमा चाँदमारी थापेको जिन्दगी
जहाँ गुजार्नु परे पनि त्यो जेल हुन्छ।

उही दिन सधैं उही रात सधैं
उही बिहान र साँझ साथ छ
उही स्वप्नभंग विवश जिन्दगी
उही गतिहीन समय साल छ
निकास बिनाको बन्द तालजस्तै
जहाँ गन्दा समाजसाथ अँधेरो बास छ
कुनै अनाम देश होस्
अथवा त्यो प्रिय स्वदेश होस्
के फरक पऱ्यो र?
मित्र, उत्पीडित समाजमा पद्दलित जिन्दगी
जहाँ बिताउनु परे पनि त्यो जेल हुन्छ।

(संग्रह: इतिहासको यस घडीमा)

Loading...

Related News

शहीद कृष्ण सेनलाई सम्झीँदै के भने नेकपा अध्यक्ष प्रचण्डले ?

काठमाडौं । नेपाल कम्युनिष्ट पार्टीका अध्यक्ष प्रचण्डले जनताको आवश्यकता र आकस्मिकताबाट नेताको जन्म हुने बताउनु भएको छ । राजधानीमा आयोजित…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी