राष्ट्रिय ललितकला प्रर्दशनी काठमाडौंमा सुरु, कलाकारद्धय ताम्राकार र राई सम्मानित

42 Hits

काठमाडौं, २ जेठ – ‘नवौं राष्ट्रिय ललितकला प्रर्दशनी’ सुरु भएको छ ।

काठमाडौंको बबरमहलस्थित आर्ट काउन्सिलमा आयोजना गरिएको सो प्रर्दशनीको उपप्रधानमन्त्री एवम् रक्षामन्त्री ईश्वर पोखरेलले बिहीबार एक कार्यक्रमका बीच उद्घाटन गर्नु भएको हो ।

त्यस अवसरमा उहाँले सो प्रर्दशनीले मुलुकको समृद्धिको अभियानमा महत्वपूर्ण भूमिका निर्वाह गर्ने विश्वास व्यक्त गर्नु भयो । उपप्रधानमन्त्री पोखरेलले कला, भाषा र साहित्यको क्षेत्रबाट मुलुकको समृद्धिमा नेपाल ललितकला प्रज्ञा प्रतिष्ठानले पुयाउँदै आएको योगदानको पनि प्रशंशा गर्नु भएको थियो ।

कार्यक्रममा ‘अरनिको राष्ट्रिय ललितकला प्रज्ञा सम्मान’ वरिष्ठ कलाकारद्धय चिनीकाजी ताम्राकार र रतनकुमार राईलाई प्रदान गरिएको थियो । उपप्रधानमन्त्री पोखरेलले कलाकारद्धय ताम्राकार र राईलाई नगद १ लाखसहित सो सम्मान प्रदान गर्नु भएको हो । नेपाली कला क्षेत्रको विकासमा उल्लेखनीय योगदान पुर्याउने उद्देश्यका साथ सुरु भएको सो प्रर्दशनी २० दिनसम्म चल्नेछ ।

Loading...

Related News

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का