संयोजक र सह संयोजक राख्नेगरी टुंगियो जवसको एकीकरण( नामावलीसहित)

42 Hits

काठमाडौं, २ जेठ ।

सत्तारुढ दल नेपाल कम्युनिष्ट पार्टी (नेकपा)को जनवर्गीय संगठनको भागवण्डा टुंगिएको छ । प्रधानमन्त्री निवास वालुवाटारमा विहिबार साँझ सम्पन्न नेकपाको सचिवालय बैठकले सबै जनवर्गीय संगठनको संयोजक र सहसंयोजकको जिम्मेवारी टुंग्याएको हो ।

बैठकले अनेरास्ववियूको संयोजकमा पूर्व एमालेबाट ऐन महर, सहसंयोजकमा पूर्व माओवादीबाट रञ्जित तामाङ वा सुरेन्द्र बस्नेत (तामाङले नमानेमा), युवाको संयोजकमा पूर्व माओवादीबाट रामप्रसाद सापकोटा दीपशीखा र सहसंयोजकमा पूर्व एमालेबाट रमेश पौडेल वा किरण (रमेशले नमानेमा), महिलाको संयोजकमा पूर्वमाओवादीबाट अमृता थापामगर र सहसंयोजकमा पूर्व एमालेबाट सीता पौडेलको टुंगो लागेको छ ।

त्यस्तै पत्रकारको संयोजकमा पूर्व माओवादीबाट महेश्वर दाहाल र सहसंयोजकमा पूर्व एमालेबाट गणेश बस्नेत, वुद्धिजीवीको संयोजकमा पूर्व एमालेबाट डा दिनेशचन्द्र देवकोटा र सहसंयोजकमा पूर्व माओवादीबाट कृष्ण केसी र मजदुरको संयोजकमा पूर्व एमालेबाट विनोद श्रेष्ठ र सहसंयोजकमा जगत सिंखडा चयन भएका छन् ।

बैठकले गरेका निर्णय भोली सार्वजनिक गर्ने तयारी गरिएको छ । एकता प्रकृयाका सबैजसो विषयमा सहमतिका साथ निर्णय भएको एक सचिवालय सदस्यले बताए ।

पार्टीको जिल्ला कमिटि र पोलिटव्युरो टुंग्याउन वर्षैं लगाएको नेकपाले जवसको एकीकरणबारे भने तुलनात्मक रुपमा छिटो निर्णय लिएको छ । तर निर्णय प्रक्रियामा फरक फरक मापदण्ड बनाइएको भन्दै आलोचना पनि शुरु भएको छ ।

यस अघि जिल्ला कमिटिमा अध्यक्ष र सचिवको मापदण्ड बनाई कार्यविभाजन गरिएको भए पनि गैर भौगोलिक जवसका कमिटिमा भने संयोजक र सह संयोजकको रुपमा जिम्मेवारी दिइए पछि आलोचना भएको हो ।

Loading...

Related News

विचार कुनै डग्मा हाेइन परिमार्जन गर्नुपर्छ : प्रचण्ड

नेपाल कम्युनिष्ट पार्टी(नेकपा) अध्यक्ष पुष्पकमल दाहाल प्रचण्डले मदन भण्डारीले विकसित गरेका विचारलाई अझै परिमार्जन गर्दै लैजानुपर्नेमा जोड दिनु भएको छ…

लाश भेटाउने प्रत्यक्षदर्शी भन्छन्–सेनाहरुले मदन भण्डारीको लासलाई बगाउन खोजे

काठमाडौं, ३ जेठ । तत्कालीन एमालेका महासचिव रहेका मदनकुमार भण्डारी र जीवराज आश्रितको ०५० साल जेठ ३ गते आजकै दिन…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी