प्रधानमन्त्रीको ४२ सदस्यीय भ्रमण टाेलीमा को को ? त्यहाँ छन् ३ सय ५० नेपाली मात्रै

75 Hits

काठमाडौं, २५ बैसाख ।

प्रधानमन्त्री केपी शर्मा ओली दक्षिणपूर्वी एशियाली दुई मुलुक भियतनाम र कम्बोडियाको भ्रमणमा जाँदैछन् । प्रधानमन्त्रीको भ्रमण हुन लागेको दुई देशमा गरी जम्मा ३ सय ५० नेपाली रहेका छन् भने उनको भ्रमण दलमा भने मन्त्री, सांसद, सचिव, उपमेयर, उद्योगीसहितको ४२ सदस्यीय प्रतिनिधिमण्डल रहने परराष्ट्र मन्त्रालयले जनाएको छ ।

प्रधानमन्त्री नेतृत्वको टोली बिहीबार भ्रमणमा निस्ने भएको छ । परराष्ट्र अधिकारीका अनुसार बिहीबार अपरान्ह ३ बजे नेपाल वायुसेवाको चार्टड सेवाबाट हनोइतर्फ उड्ने प्रधानमन्त्री ओली सुरुवातको चारदिन भियतनाम र त्यसपछिका ३ दिन कम्बोडियामा रहनेछन् ।
भ्रमण टोलीमा प्रधानमन्त्री पत्नी राधिका शाक्य, परराष्ट्र मन्त्री प्रदीपकुमार ज्ञवाली, परराष्ट्रसचिव शंकरदास बैरागी दाहाल, चिफ आफ प्रोटोकल गेहेन्द्र राजभण्डारी, पर्यटन सचिव मोहनकृष्ण सापकोटा, वाणिज्य तथा आपूर्ती सचिव केदारबहादुर अधिकारी, प्रधानमन्त्रीको प्रमुख सल्लाहकार विष्णु रिमाल र परराष्ट्र मामला सल्लाहकार राजन भट्टराई छन्।

यसैगरी, सांसदहरु नारायण खड्का, पवित्रा निरौला खरेल, उमाशंकर अरगरिया, बोधमाया कुमारी यादव तथा राष्ट्रिय योजना आयोगका सदस्य दिलबहादुर गुरुङ, निजी चिकित्सक डा।दिव्यासिंह शाह, निजी सहयोगी राजेश बज्राचार्य तथा कपिलवस्तु नगरपालिकाकी उपमेयर शिवकुमारी चौधरी र बनेपा नगरपालिकाकी उपमेयर रेखा सापकोटा दाहाल समेत भ्रमण दलमा छन्।

प्रधानमन्त्री ओलीका निजी सुरक्षा सहयोगी राजेन्द्र शाही र अनिल बस्नेत तथा परराष्ट्रबाट सह(सचिव तापस अधिकारी, इन्दिरा अर्याल, सुरेन्द्रकुमार यादव, रामबोल आचार्यसहित भ्रमण टोलीमा छन्। नेपाल उद्योग वाणिज्य महासंघकी अध्यक्ष भवानी राना, व्यवसायी दीपक मल्होत्रा, सुरज वैद्य र चन्द्रप्रसाद ढकाल समेत जाँदैछन्।
कम्बोडियास्थित गैर आवासीय नेपाली संघका प्रतिनिधि शिवराज पराजुलीका अनुसार कम्बोडियामा क्यासिनो, रेष्टुरा तथा अन्तर्राष्ट्रिय संघसंस्थामा गरेर ३ सय जति नेपाली छन् भने भियतनाममा शिक्षण पेशा र होटल(व्यवसाय गरेर ५० जति नेपाली रहेका समाचार कान्तिपुरमा छ ।

Loading...

Related News

जलवायु परिवर्तनको असर कम गर्न जततालाई शसक्त पार्नुपर्छ : प्रधानमन्त्री

काठमाडौं, ३० असार – प्रधानमन्त्री केपी शर्मा ओलीले जलवायु परिवर्तनले पारेको नकारात्मक असरलाई न्यूनिकरण गर्न जनतालाई सशक्त बनाउँदै लैजाने योजना…

मोहनविक्रम, किरण, बाबुराम, रोहित, विप्लवसहित सबैलाई एकतामा आउन नेकपाको आव्हान

सन्ताेष पाैडेल / काठमाडौं, २० असार । नेकपाका अध्यक्ष एवम् पुर्व प्रधानमन्त्री पुष्पकमल दाहाल प्रचण्ड र प्रधानमन्त्री एवं पार्टी अध्यक्ष…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का