नेपाली महिलालाई पहिलोपटक विदेशी क्लबमा खेल्न अफर

69 Hits

काठमाडौं , १६ बैसाख –

नेपाली खेलाडीले विदेशी क्लबबाट खेल्ने अवसर कमै पाउँछन् । अझ महिला खेलाडीको अन्तर्राष्ट्रिय एक्सपोजर त खासै छैन । यो अवस्थामा राष्ट्रिय महिला फुटबल टिमका खेलाडी सावित्रा भण्डारी र अनिता बस्नेतले भारतको महिला लिग खेल्ने मौका पाएका छन् ।

नेपाली महिला फुटबल खेलाडीले विदेशी लिग खेल्न लागेको यो पहिलो पटक हो ।ओलम्पिक छनौट, साफ च्याम्पियनसिप र आठौं राष्ट्रिय खेलकुद प्रतियोगिता सकिएसागै महिला खेलाडी फुर्सदिला बनेका छन् । अब अर्को प्रतियोगिता कहिले हुन्छ भन्ने स्वयं अखिल नेपाल फुटबल संघ एन्फालाई पनि थाहा छैन ।

यो अवस्थामा स्ट्राइकर सावित्रा र मिडफिल्डर अनिता सोमबार भारत प्रस्थान गर्दैछन् । दुवैजनाले तमिलनाडुको क्लब सेतुबाट खेल्नेछन् । सावित्रा र अनिताले भारतीय लिग खेल्न पाउनुलाई अवसरका रुपमा लिएका छन् । 

सावित्रा र अनिताले अघिल्लो वर्ष माल्दिभ्समा फुटसल लिग खेलेका थिए । तर फुटबल नै खेल्न भनेर नेपालबाट विदेशी क्लब जाने सावित्रा र अनिता पहिलो महिला फुटबल खेलाडी हुन् । दक्षिण एशियाली क्षेत्रमा एकछत्र राज गर्दै आएको भारतका सबै उमेर समूह र सिनियर टिमका खेलाडीले यो लिगमा सहभागिता जनाउादैछन् । जसका कारण सावित्रा र अनिताले थप एक्सपोजरको मौका पाउनेछन् । 

वैशाख २२ गतेदेखि लुधियानामा हुने लिगमा १४ टोलीले प्रतिस्पर्धा गर्नेछन् । एक महिनासम्म चल्ने लिगका लागि सावित्रा ८५ र अनिता ६५ हजार भारतीय रुपियाामा अनुबन्ध भएका हुन् । सावित्रा र अनिताले गर्ने प्रदर्शनबाट आउँदा दिनमा अरु खेलाडीका लागि भारतीय लिग खेल्ने ढोका खुल्ने समाचार कान्तिपुरमा छ ।

Loading...

Related News

फुटबलले जगाएको आशा

बागलुङ, १८ वैशाख।   एक महिनाको अवधिमा बागलुङमा ठूलो पुरस्कार राशिका तीन फुटबल प्रतियोगिता भए । पहिलो– बागलुङ नगरपालिकाको आयोजनामा…

José Mourinho hails ‘phenomenal’ Paul Pogba after Manchester United sink City

  Paul Pogba was the pivotal figure in the memorable Manchester derby that prevented the Premier League leaders wrapping up…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का