देउवाको दावी– नागरिकको मर्मअनुसार काम गर्ने पार्टी काँग्रेस मात्रै

54 Hits

काठमाडौं, ५ बैसाख ।
प्रमुख प्रतिपक्षी दल नेपाली काँग्रेसका सभापति शेरबहादुर देउवाले नागरिकको मर्मअनुसार काम गर्ने एक्लो पार्टी काँग्रेस मात्रै भएकाे दावी गरेका छन् । दुई तिहाइको कम्युनिष्ट सरकारबाट नागरिक आजित भइसकेको उनकाे तर्क छ ।

deuba

नेपाल राष्ट्रिय मगर संघ केन्द्रीय समितिद्वारा आयोजित सुदूरपश्चिम प्रदेशस्तरीय भेलालाई कैलालीको धनगढीमा सम्बोधनका क्रममा उनले यस्तो बताएका हुन् ।

सभापति देउवाले भने, ‘दुई तिहाइको कम्युनिष्ट सरकार आएपछि नागरिकले विकास तथा शान्ति सुरक्षा पाउनुको सट्टा हत्या र हिंसाको आतङ्कको उपहार पाएका छन् । कम्युनिष्ट पार्टीका नेताहरु झुटा आश्वासन दिएर मात्रै भोट माग्छन् । नागरिकको मर्मअनुसार काम गर्ने एक्लो पार्टी काँग्रेस मात्रै हो ।’

यस्तै, उनले प्रेस स्वतन्त्रता हनन् गरेर वर्तमान सरकारले अधिनायकवादी शासन देखाएको आरोप लगाए । ‘सरकारले पत्रकारका कलम बन्द गर्ने खालका क्रियाकलाप गरिरहेको छ । पत्रकार सरकारको शत्रु होइन । सहयोगी हो,’ सभापति देउवाले भने,‘सरकारले आफ्ना गल्ती ढाकछोप गर्न पत्रकारमाथि अंकुश लगाउने काम गरिरहेको छ । अब पत्रकार साथीहरु पनि सरकारविरुद्ध कडा रुपमा प्रस्तुत हुने दिन आएको छ ।’

पत्रकारले गलत समाचार लेखेमा कानुनी बाटो अदालती प्रक्रिया भएको भन्दै प्रहरी लगाएर पक्राउ गर्न लगाउनुले सरकार प्रेसलाई दमन गर्न खोज्दैछ भन्ने कुरा स्पष्ट भएको उनले बताए ।

Loading...

Related News

कांग्रेसले बनायो छायाँ सरकार : देउवा प्रधान, बडु गृह, गगन बने शिक्षा मन्त्री

काठमाडौं, ६ जेठ । लामो समय सम्म सत्ताको बागडोर सम्हालेको प्रमुख विपक्षी नेपाली कांग्रेसले छाया सरकार बनाएको छ । पार्टी…

पार्टीलाई हराउन लागेकाहरू नै मेरा विरूद्व लागे – देउवा

काठमाडौं , ४ जेठ- नेपाली काँग्रेसका सभापति शेरबहादुर देउवाले पार्टीलाई निर्वाचनमा हराउनेहरु आफूविरुद्ध उभिएको दावी गर्नु भएको छ । सभापति…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी