जुम्लाको लाम्रीगाउँ यसरी हुँदैछ झिलीमिली

54 Hits

जुम्ला, २९ चैत
जुम्लाको सदरमुकाम खलङ्गादेखि पूर्वी भेगमा पर्ने पातारासी गाउँपालिका–४ लाम्रीगाउँमा ५८ किलोवाट विद्युत् निर्माण हँदैछ ।

वैशाखभित्र गाउँमा बिजुली झिलीमिली गर्ने गरी निर्माणाधीन विद्युतको कामलाई तीव्रता दिइएको छ । आर्थिक वर्ष २०७१/७२ बाट विद्युत्को निर्माणकार्य शुरु गरिएको हो ।

लाम्रीगाउँकी स्थानीय रामतुला बुढाले भन्नुभयो, “घरमा बिजुली बालाँैला भन्दै अहिले तीन वर्ष बित्यो, अझै वैशाखमा बल्ने भन्ने छ तर काम बाँकी छ । यो भन्दा पहिला दियालोबाट दिन गुजारियो, हाम्रा दिन अँध्यारोमै बिते, अब बालबच्चालाई पढ्न लेख्न सहज होस् भनेर सबै हामी स्थानीयवासी लागिपरेका छौँ ।”

रकम अभावले लम्बिएको विद्युत् निर्माणकार्यले वैशाखभित्र पूर्णता पाउने साना लद्युजलविद्युत् विउरेनी उपभोक्ता समितिका अध्यक्ष कृष्णबहादुर बुढाले बताउनुभयो । उहाँले भन्नुभयो, “एक नहर ९कुलो०बाट विद्युत् उत्पादन पनि हुने र त्यसैबाट सिँचाइको काम पनि हुने गरी आयोजना निर्माण गरिएको हो ।” रु तीन करोड लागतको प्राविधिक अनुमानमा निर्माणकार्य थालनी गरिएको बहुउद्देश्यीय आयोजना साढे दुई वर्षमा निर्माणकार्य सम्पन्न हुनुपर्ने भएपनि बजेट अभावका कारण अहिलेसम्म लम्बिएको उहाँको भनाइ छ ।

उपभोक्ता समितिले बजेट जुटाउँदै काम गरेको उहाँले बताउनुभयो । तत्कालीन डिल्लीचौर गाउँ विकास समितिको कर्णाली रोजगार कार्यक्रमअन्तर्गत रु २० लाख बजेटबाट विद्युत् र सिँचाइ हुने गरी काम शुरु गरिएको हो । सांसद विकास कोषबाट रु ३० लाख, गैरसरकारी संस्था सूर्य सामाजिक सेवा सङ्घ ९फोरएस० जुम्लाबाट रु २० लाख, पातारासी गाउँपालिकाबाट रु ७५ लाख बजेट गरी रु एक करोड ४० लाख बजेट जुटाएर काम भएको उपभोक्ता समितिका अध्यक्ष बुढाले बताउनुभयो । तिर्खु लाम्री, डिल्लीचौर जम्न गरी चार गाउँको करीव ५०० घरधुरीमा बिजुली पु¥याउने आयोजनाको उद्देश्य रहेको छ ।

बजेट अभावले ट्रान्समिटर र अन्य केही विद्युत् सामग्री खरीद गर्न बाँकी नै छ । गाउँपालिकाले आयोजना निर्माणका लागि लगानी गर्ने आश्वासन दिएको छ । त्यसै रकमबाट बाँकी विद्युत् सामग्री खरीद गर्ने योजना रहेको उपभोक्ता समितिका अध्यक्ष बुढाको भनाइ छ ।

पाँच हजार रोपनी जमीन सिँचाइ हुने

विद्युत् र सिँचाइका लागि निर्माण गरिएको नहरबाट पाँच हजार रोपनी सिँचाइ हुने भएको छ । सिँचाइ हुने भएपछि स्थानीयवासीले तरकारी खेती गर्ने लक्ष्य बनाएको वीरबहादुर बोहोराले बताउनुभयो । उहाँले भन्नुभयो, “विषादीरहित जैविक तरकारी खेती स्थानीय बजारदेखि बाहिर बजारमा राम्रो माग भएकाले किसान तरकारी खेतीमा बढी आकर्षित भएका छन् ।”

यहाँ केहीले काली मार्सी धान पनि रोप्ने गरेका थिए तर धानमा बढी रोग लाग्ने र परिश्रमअनुसारको उत्पादन नहुने भएकाले तरकारी खेतीमा किसानको मोह बढेको हो । गाउँपालिकाको उर्थुचौतारामा पक्की पुल निर्माण भएपछि यहाँको तरकारी सहजै कर्णाली राजमार्ग हुँदै सुर्खेत, नेपालगञ्ज राष्ट्रिय बजारमा पुयाउन सकिने भएकाले स्थानीयवासीले तरकारी खेतीलाई बढी जोड दिएका हुन् । रासस

Loading...

Related News

कुलेखानीमा पानीको सतह १५२६ मीटर पुग्यो, दुबै आयोजना पूर्ण क्षमतामा सञ्चालन

काठकाडौं, ३० असार । मकवानपुरस्थित कुलेखानी जलविद्युत केन्द्रको जलाशय असारमै भरिएको छ । गत वर्ष भर्षभरिमा जलाशयमा पानीको सतह १५२६…

जनताकाे जलविद्युतमा सभामुख महरा सहभागि : रसुवागढीको १ लाख र सान्जेनको ५० हजारको शेयर खरीद

काठमाडौं, ६ बैसाख/ जनताको जलविद्युत् कार्यक्रममा सभामुख कृष्ण बहादुर महराले सहभागिता जनाउनुभएको छ । सभामुख महराले बिहीबार ग्लोबल आईएमई क्यापिटलमा…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का