विप्लव नेकपा नेता शुदर्शनलाई रिहा गर्न माग गर्दै छोरीले हालिन् रिट

94 Hits

काठमाडौं, १४ चैत ।

नेत्रविक्रम चन्द विप्लव नेतृत्वको ‘नेकपा’का स्थायी समिति सदस्य हेमन्त प्रकाश ओली ‘सुदर्शन’लाई रिहा गर्न माग गर्दै उनकी छोरी विपना ओलीले सर्वोच्चमा रिट दर्ता गराएकी छिन् ।

काभ्रेबाट ९ जनासहित पक्राउ गरिएका ओलीलाई उपस्थित गराई थुनामुक्त गराउन छोरी विपना ओलीले बुधबार सर्वोच्च अदालतमा बन्दी प्रत्यक्षीकरण रिट दर्ता गरेकी हुन् ।

हेमन्त ओली, लोकेन्द्र खड्का र विपना ओलीको नाममा सर्वोच्चमा दर्ता रिटमा पक्राउ गरेकालाई निःशर्त अदालतमा उपस्थित गराई रिहाइको लागि आदेश जारी गर्न आग्रह गरिएको छ।

ओलीले बुबा हेमन्त प्रकाश र दाइ लोकेन्द्र खड्कालाई सरकारले गैरकानुनी रुपमा थुनामा राखेको दाबी गर्दै उक्त रिट दर्ता गरेकी हुन्। कानुन व्यवसायीहरु वरिष्ठ अधिवक्ता एकराज भण्डारी, अधिवक्ता कपिलचन्द्र पोखरेल, राजु अधिकारी र कान्तीराम ढुंगानाको सहयोगमा मुद्दा दर्ता गरेको उनले उल्लेख गरेकी छिन्।

मुद्दामा गृह मन्त्रालय, गृहमन्त्री रामबहादुर थापा बादल, प्रहरी प्रधान कार्यालय नक्साल, महानगरीय प्रहरी प्रभाग ललितपुर, प्रभाग प्रमुख, जिल्ला प्रहरी कार्यालय काभ्रे, जिप्रका काभ्रेका प्रमुख, ललितपुर जिल्ला अदालतलाई विपक्षी बनाइएको छ।

आफ्ना बुबा हेमन्त सुगर र प्रेसरको रोगी भएकाले नियमित औषधि सेवन गरिरहनुपर्ने दाबी गर्दै अदालतमा झिकाई तुरुन्त रिहा गर्न आदेश जारी गर्न छोरीद्वारा दर्ता गरिएको रिटमा माग गरिएको छ।

त्यस्तै ओली कुनै पनि आपराधिक संगठनमा संलग्न नभएको र जिम्मेवार राजनीतिक दलमा सक्रिय रहेकोले राजनीतिक पूर्वाग्रहमा पक्राउ गरिँदा नेपालको संविधानले दिएको राजनीतिक दल खोल्न पाउने, विचार र अभिव्यक्ति स्वतन्त्रताको हनन गरी पक्राउ गरिएको सर्वोच्चमा दर्ता भएको मुद्दामा उल्लेख छ।

हेमन्त रुकुम त्रिवेणी गाउँपालिका ६ का स्थायी बासिन्दा हुन् भने खड्का सोही गाउँपालिका वडा नं। ८ का स्थायी बासिन्दा हुन्।

रिटमा नेपालको संविधानको धारा ४६, धारा १३३ ९३०, सर्वोच्च अदालत नियमावली २०७४ को नियम ३३, नियम ३७ बमोजिम आदेश जारीको लागि माग गरिएको छ।

गत फागुन १० मा नख्खुमा १ जनाको ज्यान जाने गरी बम विस्फोट भएपछि नेकपा विप्लव समुहप्रति सरकार आक्रामक बनेको छ। प्रहरीले यसबीचमा ४४ जिल्लाबाट विप्लवका एक सय ८४ नेता–कार्यकर्ता पक्राउ गरेको छ।

Loading...

Related News

विप्लव बन्दमा बमकाे अातंक : कहाँ के भयाे ?

काठमाडौं, ५ बैसाख : विप्लव नेतृत्वको नेपाल कम्युनिस्ट पार्टीले अायाेजना गरेकाे बन्दका क्रममा बमकाे प्रभाव बढि देखिएको छ। सरकारले लगाएको…

पत्रकार महर्जनको रिहाईका लागि महासंघद्धारा सर्वोच्चमा रिट

काठमाडौं, २९ चैत्र । न्हुगु ज्वजोलोप्पा पत्रिकाका प्रधानसम्पादक जितेन्द्र महर्जनको रिहाईका लागि नेपाल पत्रकार महासंघले सर्वोच्च अदालतमा बन्दीप्रत्यक्षीकरण रिट दायर…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी