स्वास्थ्य उपचार र पढ्न नपाए सरकारविरुद्ध मुद्धा गर्नुस् : प्रचण्ड

64 Hits

काठमाडौं, २१ मंसिर  ।
सत्तारुढ नेकपा अध्यक्ष एवं पुर्व प्रधानमन्त्री प्रचण्डले आर्थिक अवस्था कमजोर भएका नागरिक र विद्यार्थीहरुलाई सरकारले पुर्ण सहयोग गर्ने बताएका छन् । आर्थिक अभावका कारण स्वास्थ्य उपचार नपाएमा र आफूले चाहेको विषय पढ्न नसकेमा सरकारविरुद्ध कानुनी लडाइँ लड्न सकिने उनको भनाई छ ।

वंशाणुगत रोगसँग सम्बन्धित पहिलो सम्मेलनलाई शुक्रबार काठमाडौंमा सम्बोधन गर्दै प्रचण्डले भने, ‘अब कोही मान्छेले उपचारको अभावले दुःख पायो भने उसले अदालतमा मुद्दा दिन पाउँछ र अदालतले त्यो बिरामीको पक्षमा फैसला गर्नैपर्छ । किनकी संवैधानिक व्यवस्थाको कारणले त्यो अधिकार जनताले प्राप्त गरेको छ ।’

संविधानले नै शिक्षा र स्वास्थ्यलाई मौलिक हकको रुपमा व्यवस्था गरेको र त्यससम्बन्धी ऐनसमेत बनेको जानकारी गराउँदै प्रचण्डले सबै नेपाली नागरिकको शिक्षा, स्वास्थ्य र रोजगारीको जिम्मेवारी अब सरकारले लिने बताए ।

अध्यक्ष प्रचण्डले संवैधानिक यो व्यवस्थालाई ठूलो उपलब्धीको रुपमा ब्याख्या गरे । संविधानमा गरिएको यस्ता व्यवस्थाले राजनीतिक नेताहरुलाई सन्तोष गर्ने र गौरव गर्नलायक बनाएको उनले बताए ।

प्रचण्डले यो उपलव्धीलाई सानोतिनो रुपमा लिन नहुने उल्लेख गर्दै भने, गरिबीको कारणले, पैसाको अभावले मैले पढ्न पाइनँ, म पढ्न चाहन्छु, यो विषयमा मेरो रुचि छ भनेर मुद्दा दियो भने राज्यले उसको व्यवस्था गरिदिनु पर्दछ । उसलाई पढाउनैपर्छ ।’ यसले कसलाई फाइदा पुग्छ ?

‘जनचेतनाको अभावले कति मान्छे अदालत जान्छन् जाँदैनन् भन्ने त समयको कुरा मात्र हो,’ प्रचण्डले भने, ‘बिस्तारै जनचेतना फैलिँदै जान्छ र अधिकारप्रति सचेत भइसकेपछि मान्छेले त्यसलाई पाउनका लागि पहलकदमी लिन्छ । यस अर्थमा राजनीतिक नेतृत्वले सन्तोष पाउने, थोरै गौरव गर्ने ठाउँ छ ।’
आधारभूत जनताको पक्षमा संविधानले महत्वपूर्ण कार्य गरेको उल्लेख गर्दै उनले त्यसको लागि कुशल नेतृत्व र कर्मचारी संयन्त्र हुनुपर्नेमा पनि जोड दिए ।

Loading...

Related News

माथि पुग्न सजिलो छ, तर टिकिरहन गाह्रो छ : प्रचण्ड

काठमाडौं, २३ मंसिर– नेकपा अध्यक्ष एवं पुर्व प्रधानमन्त्री पुष्पकमल दाहाल प्रचण्डले कोही पनि माथि चढ्ने कुरा सामान्य भएको तर चुचुरोमा…

नेकपाले बोलायो स्थायी समिति बैठक, चार नेता गए कता ?

काठमाडौं, २२ मंसिर । सत्तारुढ नेकपाले स्थायी पार्टीको दोश्रो तहको वलियो संरचना समितिको बैठक डाकेको छ । प्रधानमन्त्री निवास बालुवाटारमा…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी