विमान खरिदमा अनियमितताबारे लेखा समितिकाे ४१ लिखित प्रश्न

44 Hits

नारायण काफ्ले

काठमाडौँ, १७ मङ्सिर ।

नेपाल एयरलाइन्सको वाइडबडी खरिद प्रक्रियामाथि अनुसन्धान गरिरहेको संसद्को सार्वजनिक लेखा समितिले खरिद प्रक्रियासँग सम्बन्धित विवरण माग गर्न लिखित प्रश्न तयार पारेको छ । समितिले संस्कृति, पर्यटन तथा नागरिक उड्डयन मन्त्रालय र नेपाल वायुसेवा निगमसँग लिखित जवाफ माग गर्न ४१ वटा प्रश्न तयार पारेको छ । विभागीय मन्त्रालय र निगमका लागि तयार पारिएका फरक–फरक प्रश्न सोमबार सम्बन्धित निकायमा पठाइनेछ ।

समितिले विभागीय मन्त्रालयका लागि नीतिगत विषयका तीन र निगमलाई खरिद प्रक्रियासँग सम्बन्धित ३८ प्रश्न तयार पारेको स्रोतले जानकारी दियो । आवश्यकता अनुसार अन्य निकायसँग पनि थप प्रमाणका लागि जवाफ माग्ने तयारी पनि समितिको छ तर अन्य कुन–कुन निकायसँग जवाफ माग्ने यकिन भइसकेको छैन ।

स्रोतका अनुसार समितिले विभागीय मन्त्रालयलाई खरिद प्रक्रियाका नीतिगत निर्णय माग गरेको छ । तीन प्रश्नमध्ये पहिलो खरिदका नीतिगत निर्णयसँग सम्बन्धित छ । यस्तै, विमान खरिदको विवादबारे मन्त्रालयले गठन गरेको छानबिन समितिको प्रतिवेदनबारे पनि समितिले जवाफ माग गरेको छ । मन्त्रालयले विमान खरिदबारे सहसचिव वुद्धिसागर लामिछानेको संयोजकत्वमा छानबिन समिति गठन गरेको थियो ।

यस्तै, समितिले मन्त्रालयसँग हालै निगमले जारी गरको श्वेतपत्रबारे पनि धारणा माग गरेको छ । श्वेतपत्र अनुसार आर्थिक व्यवस्थापनका विषयलगायतका समितिले जवाफ माग गरेको हो । यस्तै, समितिले निगमलाई ३८ वटा प्रश्न तयार पारेको छ । समितिले वाइडबडी खरिद प्रक्रियामा नै सबै प्रश्नावली केन्द्रित गरेको छ । समितिले जहाजको मूल्य, स्पेसिफिकेशन, खरिदको कमिशनलगायतका फरक–फरक प्रश्न बनाएको  खबर गााेरखापत्रमाा  छ  ।

समितिले हरेक प्रश्नको पुष्टि हुने कागजात पनि सामेल गर्न जवाफ दिने निकायलाई निर्देशन दिएको छ । वाइडबडी खरिदबारे मूल्याङ्कन समिति र उपसमितिले गरेका काम कारबाही र त्यससम्बन्धी भएका निर्णय पनि माग गरेको छ । समितिले उपसमितिले गरेका काम कारबाहीबारे फरक–फरक प्रश्न बनाएको छ ।

खरिद प्रक्रियामा सुरुमा प्रस्ताव पेस गर्ने ११ कम्पनीको प्रस्ताव पनि माग गर्न लिखित प्रश्न तयार पारेको छ । प्रस्ताव मूल्याङ्कन सम्बन्धी निर्णय माग गर्न पनि समितिले प्रश्न पठाउने तयारी गरिएको छ ।

समितिले प्रत्येक पटक निगमले भुक्तानी गरेको रकमको बैंकमा दाखिला भौचर पनि जवाफमा संलग्न गर्न भनेको छ । एयरबसलाई भुक्तानी दिएको रकमको रिसिप संलग्न गर्न पनि समितिले प्रश्न सामेल गरेको छ । सप्लायर्स, कन्सोर्टियम कम्पनीको प्रोफाइल, उसले पेस गरेको कागजात र प्रस्ताव समेत समितिमा पेसका लागि प्रश्न बनाइएको छ । स्पेसिफिकेसनको विवरण तथा खरिद औचित्य पुष्टि हुने अन्य कागजात पनि माग गर्नेगरी प्रश्न बनाएको छ ।

विमानको दर्ता प्रमाणपत्र पनि माग गरिएको छ । जसमा यसअघि किनेको न्यारोबडी र अहिलेको वाइडबडी दुबैको प्रमाणपत्र पनि पठाउन समितिले प्रश्नमा उल्लेख गरेको छ । समितिले भावी आर्थिक, व्यवस्थापकीय तथा रणनीतिक साझेदार लगायतका विषयमा पनि जवाफका लागि प्रश्न तयार पारेको छ ।

समितिले यसअघि विमान खरिदका विषयमा प्रचलित कानुन अनुसार खरिद भए वा नभएको विषयमा सार्वजनिक खरिद अनुगमन कार्यालयसँग राय माग गरेको थियो । समितिले कार्यालयलाई सात दिनभित्र राय पेस गर्न निर्देशन दिएको थियो । कार्यालयले समितिलाई जवाफ पठाइसकेको छैन ।

Loading...

Related News

विक्रम पाण्डेसहित २१ लाई ८ अर्ब भ्रष्टाचारको मुद्दा

काठमाडौं,२२ मंसिर — बाँकेमा निर्माणाधीन सिक्टा सिँचाइ आयोजनामा आर्थिक अनियमितता गरेको अभियोगमा अख्तियार दुरुपयोग अनुसन्धान आयोगले शुक्रबार विशेष अदालतमा पूर्वमन्त्री…

जनकपुर मठका महन्थ प्रहरीको पञ्जामा, यस्ता छन् अभियोग

जनकपुर, २० मंसिर जनकपुर मठका महन्थ बैकुण्ठ दास बैष्णव गुठी अधिनस्थ जग्गाको अवैध कारोबारबाट करोडपति भएका छन् । प्रमाण अभाव…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी