साउदीमा २२ नेपाली युवा अलपत्र, दुतावासको वेवास्ता, सहयोगको लागि अपील

258 Hits

काठमाडौं, १७ कात्तिक ।
नेपालबाट रोजगारीको लागी साउदी पुगेका २ दर्जन नेपाली युवाहरु अलपत्र परेका छन् । साउदीको दमाम अल खोबर स्थित सिफ सेन्टर नामक कम्पनीमा कार्यरत २२ जना भन्दा वढि नेपाली युवाहरु कम्पनीको लापरवाहीका कारण अलपत्र परेका हुन् ।

कम्पनीले प्रदान गर्ने परिचय पत्र (अकामा) नविकरण नगरिदिएको कारण उनीहरु अलपत्र परेका हुन् । कम्पनीले दिने परिचय पत्र नविकरणको लागि एक वर्ष अगाडिदेखि आग्रह गर्दा पनि कम्पनीले विभिन्न कारण देखाउँदै नवीकरण नगरिदिएपछि उनीहरु नेपाल फर्कन चाहँदा पनि वर्षौंदेखि फर्कन सकेका छैनन् । उनीहरुले परिचयपत्र नविकरणको अभावमा आफूले प्राप्त गर्ने पैसा समेत परिवारलाई नेपाल पठाउन पाएका छैनन् ।

यसरी समस्यामा पर्नेमा लमजुंगका उत्तम रेग्मी, मोरंगका कमल दर्नाल, तनहुँका टुक बहादुर राना र रेग बहादुर आले, गोरखाका विल थापा, भोजपुरका नरेन्द्र कुमार कार्कीलगायतका २ दर्जन युवाहरु रहेका छन् ।

पीडित एक युवाले कम्पनीलाई आग्रह एक गरेको एक वर्ष भन्दा वढि भएको तर भोली भोली भन्दै टार्दै आएपछि नेपाली दुतावासमा समेत सम्पर्क गरेको बताए / उनले नेपाल फर्कने वातावरण बनाइदिन आग्रह गरेको तर दुतावासले वेवास्ता गर्दै पुलिसले पक्रिएपछि बल्ल सहयोग गर्न सकिन्छ भन्ने जवाफ दिएपछि आफूहरु झन पीडित बनेको बताए ।

‘दुतावासलाई भन्दाखेरी हामी केही गर्न सक्दैनौं, त्यो कम्पनीको काम हो पुलिसमा पक्राउ परेपछिमात्रै हामी केही गर्न सक्छौं भन्ने गैरजिम्मेवार जवाफ दुतावासबाट आयो’ रुँदै मुलखबरसँग उनले भने-  ‘हामीलाई उद्धार गरिदिनुहोस । हामी हाम्रो देश फर्कन चाहन्छौं ।’
उनी भन्छन् ‘कम्पनीबाट पाउनु पर्ने पैसा बरु छाड्न तयार छौं, हामी देश फर्कन पाऔं ।’
उनीहरुले नेपाल सरकार र सम्वन्धीत सराकारवालाहरुलाई आफ्नो समस्या बुझेर नेपाल फर्कने व्यवस्था मिलाइदिन सहयोगको लागि आग्रह गरेका छन् ।

 

Loading...

Related News

अख्तियारका मुद्दा धेरै, फैसला कम : कुन कुन हुन् चर्चित काण्ड ?

काठमाडौं, २१  असार – सशस्त्र प्रहरीको सामान ढुवानीको क्रममा अनियमितताको दाबीसहित चार पूर्वप्रहरी महानिरीक्षक (आईजीपी)माथि सजायको माग गर्दै विशेष अदालत…

निजि स्कुलको नाम नेपालीमा लेख्न कामनपाकाे निर्देशन, नगरे कार्वाही !

काठमाडौं , २० फागुन – काठमाडौं महानगरपालिका भित्रका सबै सार्वजनिक तथा निजी विद्यालयले अनिवार्य रूपमा नेपाली भाषामा आफ्नो नाम लेख्नुपर्ने…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का