आज नेकपा सचिवालय बैठक, टुंगिएला त एकीकरण प्रक्रिया ?

235 Hits

काठमाडौँ, २१ असोज-
सत्तारुढ दल नेपाल कम्युनिष्ट पार्टी (नेकपा) को केन्द्रीय सचिवालय बैठक आज बस्दैछ ।

अपरान्ह ४ बजे नेकपाको पार्टी कार्यालय धुम्बाराहीमा बस्ने बैठकमा सरकार र पार्टी एकताको विषयमा छलफल हुने बताइएको छ । सरकारले जनअपेक्षा अनुसारको काम गर्न नसकेको भनेर टिप्पणी आइरहेका बेला हुन लागेको बैठकमा सरकारका विषयमा गम्भीर समिक्षा हुने एक सदस्यले बताए ।
पछिल्लो समय पार्टीमा देखिएको असन्तुष्टि साथै सरकारका कामको समिक्षा लगायतका विषयमा छलफलका हुने बताइएको छ ।

यस अघि अशोज ५ गते बसेको सचिवालय बैठकले प्रदेश पदाधिकारीको टुंगो लगाएको थियो । तर, उक्त बैठकको निर्णयलाई लिएर बरिष्ठ नेता माधवकुमार नेपाल र अर्का सदस्य नारायणकाजी श्रेष्ठको असन्तुष्टि रहँदै आएको छ । सचिवालयका वरिष्ठ नेता नेपालले सार्वजनिकरुपमै प्रदेश पदाधिकारीको विषयलाइ लिएर असन्तुष्टि जनाएका थिए ।

त्यसैगरी बैठकमा तल्ला तहका कमिटीको एकीकरण प्रक्रियालाई टुंग्याउने विषयमा पनि छलफल गरिने भएको छ । एकतामामा ढिलाई हुँदा पार्टीमा अन्यौलता छाएको भन्दै जिल्ल स्तरबाट नेताहरुलाई दबाब बढिरहेको छ ।

यस अघि बसेको सचिवालय बैठकमा पार्टीका वरिष्ठ नेता माधवकुमार नेपाल र प्रवक्ता नारायणकाजी श्रेष्ठ अनुपस्थित थिए । विदेश भ्रमणमा रहेका बेला सचिवालयले प्रदेश पदाधिकारीको जिम्मेवारी तोकेपछि खासगरी नेपाल समूहले चर्को असन्तुष्टि जनाउँदै आएको छ ।
पार्टी अध्यक्षद्धय प्रधानमन्त्री के पी ओली र पुष्पकमल दाहाल प्रचण्डबीच भएको पछिल्लो छलफलपछि आजको लागि सचिवालय बैठक तय भएको थियो ।

Loading...

Related News

नेकपाकाे ७७ जिल्लाकाे नेतृत्व टुंगो, घाेषणा भाेली

काठमाडौं, ८ बैसाख । सत्तारूढ नेकपाले ७७ जिल्लाकाे नेतृत्व टुंगाे लगाएको छ । अाज साँझ बालुवाटारमा बसेकाे सचिवालय बैठकले ७७…

अचानक सुकुटे पुगेर के गरे प्रचण्डले ?

काठमाडौं, ६ बैसाख । सत्तारूढ नेकपाका अभ्यक्ष एवम् पूर्वप्रधानमन्त्री पुष्पकमल दाहाल प्रचण्ड सिन्धुपाल्चोकको सुकुटे पुगेर फर्किएका छन् । सपरिवार बिहीबार…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी