लमजुङका पुर्णचन्द्र थापा प्रधानसेनापति, अरू के गर्याे मन्त्रीपरिषद्ले निर्णय

719 Hits

सिंहदरबारमा आइतबार बसेको मन्त्रिपरिषद्को बैठकले थापालाई प्रधानसेनापतिमा बढुवा गरी नियुक्तिका लागि सिफारिस गरेको सञ्चार तथा सूचना प्रविधिमन्त्री गोकुलप्रसाद बाँस्कोटाले जानकारी दिए ।

उनलाई भदौ २४ गतेदेखि लागू हुने गरी प्रधानसेनापति नियुक्त हुनेछन् । भदौ २३ गतेसम्म राजेन्द्र क्षत्रीको पदावधि रहेकाले त्यसपछि थापा प्रधानसेनापति हुनेछन् ।

प्रधानसेनापति क्षत्री साउन २३ गतेदेखि विदामा बसेपछि थापाले नै कायममुकायम प्रधानसेनापतिको जिम्मेवारी सम्हालेका थिए ।

अधिकृत हुँदै शीर्ष पदसम्म
प्रधानसेनापतिमा सिफारिश थापा २०३६ सालमा अधिकृत क्याडेटका रुपमा नेपाली सेनामा भर्ना हुनुभएको हो । उहाँ २०३७ मंसिर २७ गते गोरखबहादुर गणमा सहायक सेनानी दर्जामा नियुक्त हुनुभएको थियो ।
थापाले भारतबाट बटालियन सपोर्ट वेपन, योङ अफिसर कोर्स र नेशनल डिफेन्स कोर्स पूरा गर्नुभएको छ । संयुक्त राज्य अमेरिकाबाट इन्फेन्ट्री अफिसर्स एडभान्स कोर्स र एक्जुकिटीभ कोर्स गर्नुभएका उहाँले नेपालमै कमाण्ड एण्ड स्टाफ कलेज समेत गर्नुभएको छ ।
त्रिभुवन विश्वविद्यालयबाट सामाजिक विज्ञानमा स्नातक थापाले भारतको मद्रास विश्वविद्यालयका डिफेन्स एण्ड स्ट्राटेजिक स्टडीमा स्नातकोत्तर गर्नुभएको छ । प्रधानसेनापतिमा सिफारिश हुनभएका कामु प्रधानसेनापति थापाको हजुरबुबा र बुबा दुवैजना नेपाली सेना हुनुहुन्थ्यो । बुवा प्रमुख सेनानी फणेन्द्रबहादुर थापा र आमा सावित्री थापाको उहाँ कान्छा छोरा हुनुहुन्छ ।
प्रमुख सेनानी हुँदा थापाले श्रीजंग गण कमाण्ड गर्नुको साथै बाहिनीमा जी—३ को कार्यभार पनि सम्हाल्नुभएको थियो । प्रमुख सैनिक सचिवालयको कार्यलयमा प्रमुख सेनानी हुँदा सम्पर्क अधिकृतको रुपमा समेत काम गर्नुभएको छ । उहाँले जी—२ स्टाफको जिम्मेवारी पनि सम्हाल्नुभएको छ ।
विसं. २०६९ जेठ २ गते उपरथी दर्जामा पदोन्नति हुनुभएका थापा कार्यरथी विभागमा नियुक्त हुनुभएको थियो । उहाँले उपत्यका पृतनाको कमाण्ड सम्हालनुका साथै जंगी अड्डास्थित सम्भार रथी विभागमा समेत काम गर्नुभएको छ ।
संयुक्त राष्ट्रसंघमा पटक—पटक गरी विभिन्न नियुक्तिमा सेवा गर्नुभएका उहाँ २०७१ माघ २५ गतेदेखि २०७२ माघ २४ सम्म संयुक्त राष्ट्रसंघको मध्यपूर्वस्थित इजरायल तथा सिरियाको सिमानास्थित गोलान हाइटमा संयुक्त राष्ट्रसंघको विच्छेदन पर्यवेक्षक दल (युएनडिओएफ) को हेड अफ द मिसन तथा फोर्स कमाण्डर पदमा पनि कार्य गर्नुभएको छ ।

मन्त्रिपरिषद बैठकले सार्वजनिक खर्च पुनरावलोकन आयोगको अध्यक्षमा डा. डिल्लीराज खनाललाई नियुक्त गरेको छ ।  आयोगमा ५ जना सदस्य पनि नियुक्त भएका छन् ।

मन्त्रिपरिषद बैठकले मौलिक हकसंग सम्बन्धी विभिन्न ३ वटा विधेयक संघीय संसदमा पेश गर्ने निर्णय पनि गरेको छ । वैयक्तिक गोपनियाताको सम्बन्धमा व्यवस्था गर्न बनेको विधेयक, अनिवार्य तथा निशुल्क शिक्षा सम्बन्धी व्यवस्था गर्न बनेको विधेयक र भूमि सम्बन्धी ७ औ संशोधन विधेयक २०७५ संघीय संसदमा पेश गर्ने निर्णय गरेको हो ।

त्यसैगरी विश्व बैंक समूहको अन्तर्राष्ट्रिय विकास संस्थाबाट एकीकृत सार्वजनिक वित्त व्यवस्थापन सुधार आयोजनाका लागि प्राप्त हुने अनुदान सहायता रकम करिब १ अर्ब ६४ करोड १५ मिलियन डलर स्वीकार गर्ने निर्णय पनि भएको छ ।

बैठकले पञ्चेश्वर विकास प्राधिकरणमा नेपालका तर्फबाट अतिरिक्त प्रमुख कार्यकारी अधिकृतमा उर्जा जलस्रोत तथा सिंचाई मन्त्रालयका सहसचिव चिरञ्जिवी चटौत, पुर्नवास तथा व्यवस्था पुनस्र्थापना कार्यकारी निर्देशक पदमा सिंचाई तथा जलस्रोत विभागका उपमहानिर्देशक चुर्णबहादुर ओली, प्राविधिक कार्यकारी निर्देशक पदमा विद्युत् विकास विभागका नरेन्द्रसिंह भण्डारीलाई काजमा खटाउने निर्णय गरेको छ ।

हाल पञ्चेश्वर विकास प्राधिकरणको कार्यकारी निर्देशक पदमा कार्यरत सहसचिव बाबुराम अधिकारीलाई बढीमा २०७६ असार मशान्तसम्मका लागि काजमा खटाउने निर्णय गरेको छ ।

बैठकले विमेस्टेकमा हुने पावर ग्रिड सम्बन्धी सम्झौतामा नेपालको तर्फबाट हस्ताक्षर गर्ने अख्तियारी परराष्ट्रमन्त्रीलाई दिएको छ । अस्थायी तथा सेवा करार सम्झौता अनुसारका जनशक्तिको व्यवस्थापन गर्ने निर्णय गर्दै त्यसको सम्पूर्ण जिम्मा संघीय मामिला तथा सामान्य प्रशासन मन्त्रालयलाई दिएको सरकारका प्रवक्ता तथा सञ्चार तथा सूचना प्रविधि मन्त्री बास्कोटाले जानकारी दिए ।

Loading...

Related News

भारतले कच्चा पदार्थ नदिएपछि सेनाको इमल्सन प्लान्ट बन्द

काठमाडौं- भारतले गोलीगठ्ठा तथा विस्फोट पदार्थ उत्पादनका लागि चाहिने कच्चा पदार्थ नदिएपछि नेपाली सेनको मकवानपुस्थित सुनाचरी ईमल्सन प्लान्ट बनद भएको…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी