पोखरा पुगेर मन्त्री मगरले भनिन् -जनतालाई शुद्ध पानी खुवाउने मेरो दायीत्व हो

432 Hits

पोखरा, २६ साउन ।

खानेपानी तथा सरसफाई मन्त्री बिना मगरले जनतालाई स्वच्छ खानेपानी खुवाउने कार्य आफ्नो दायीत्व भएको बताएकी छिन् ।


पोखरा उद्योग वाणिज्य संघको अगुवाईमा पोखराको खानेपानी शुद्धीकरण अभियानअन्तर्गत खानेपानी मुहान मर्दी खोला क्षेत्रमा निर्मित शवदहन गृह तथा शौचालय समुदायलाई हस्तान्तरण गर्दै मन्त्री मगरले सो कुरा बताएकी हुन ।

संविधानमा समेत स्वच्छ खानेपानी जनताको नैसर्गीक अधिकार भएको उल्लेख गरेकाले मन्त्रालयले कार्य योजना बनाएर काम गरिरहेको उनले बताइन । उनले भनिन्, ‘प्रत्येक घरमा स्वच्छ खानेपानी पुर्याउने गरी सरकारले काम गरिरहेको छ ।’

कार्यक्रममा मन्त्री मगरले पोखरामा खानेपानीको मुख्य स्रोत सेती नदी र मर्दी खोलामा निमार्ण गरिएको तीन शवदहन गृह तथा शौचालय समुदायलाई हस्तान्तरण गरेकी थिइन् । यसअघि गत पुसमा पहिलो चरणमा शौचालय, शवदहन गृहलगायत निर्माण गरी समुदायलाई हस्तान्तरण गरिएको थियो ।

बिगत लामो समयदेखि अशुद्ध खानेपानी प्रयोग गरिरहेका पोखराका बासिन्दा अब शुद्ध पानी पिउन पाउने भएका छन् । पोखरा बजारमा आउने पानीको मूख्य मुहानमा शुद्धीकरण परियोजनाअन्र्तगत संरचना निमार्ण भएसगै पोखराका बासिन्दाले शुद्ध पानी प्रयोग गर्न पाउने भएका हुन ।

कार्यक्रमा पोखरा लेखनाथ महानगरपालिकाका मेयर मानबहादुर जिसीले जनताले पिउने पानी शुद्ध बनाउनु सबैको दायित्व भएको बताउँदै, यस क्षेत्रका स्थानीयको माग र आवश्यकतालाई सम्बोधन गर्ने गरी अघि बढ्ने बताए ।

पोखरामा मर्दीखोलाबाट दैनिक तीन करोड लिटर, बालधाराबाट चार लाख लिटर, भोटीखोलाबाट साढे दुई लाख लिटर पानी आपूर्ति हुँदै आएको छ । अहिले पोखराको दैनिक साढे चार करोेड लिटर पानीको माग रहेको छ ।

Loading...

Related News

खानेपानी मन्त्रालयद्वारा ५ सय ४५ आयोजना सम्पन्न

काठमाडौं, २ साउन । खानेपानी मन्त्रालय मातहत रहेका विभिन्न निकायहरुले असार मसान्तसम्म देशैभरि साना ठूला गरी ५ सय ४५ वटा…

मेलम्ची आयोजना अगाडि बढाउन मन्त्रीकाे पहलमा उच्चस्तरीय बैठक

काठमाडौं, २५ असार । मेलम्ची खानेपानी आयोजनाको कामलाई तिव्रता दिन सिंहदरबारमा उच्चस्तरीय बैठक सम्पन्न भएको छ । खानेपानी मन्त्री बिना…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का