नेकपाको नियमावली पारित- तल्लो तहमा एकता प्रक्रिया अघि बढ्ने

58 Hits

मूलखबर,२७ असार ।

नेकपा केन्द्रीय सचिवालयको बैठकले पार्टीको नियमावली पारित गरेको छ। बुधबार बसेको बैठकले नियमावली पारित गरेसँगै पार्टी विधानको पनि अन्तिम टुङ्गो लागेको छ। पार्टी विधानमा भएका कतिपय व्यवस्थालाई थप प्रष्ट पार्न नेकपाले नियमावली निर्माणको प्रयास थालेको थियो। यसका लागि महासचिव बिष्णु पौडेलको नेतृत्वका समिति बनाइएको थियो। नियमावली पारित भएसँगै पार्टी सञ्चालनका लागि सहज हुनेछ ।
अब अर्को बैठक बसेर विधान र नियमावली अनुसार सबै पार्टी कमिटीहरुको र जनवर्गीय संगठनहरुको सांगठनिक एकीकरणको आवधिक कार्ययोजना बनाइने जानकारी गराईएको छ । पार्टीका कमिटी र जनवर्गीय संगठनहरुको एकताको गृहकार्य गर्न कार्यदलस्तरमा छलफल हुँदै आएको छ । पौडेल नेतृत्वको समितिले निर्माण गरेको नियमावलीमाथि स्थायी समितिमा छलफल भएपछि सुझावहरुलाई समेटेर निर्माण गर्न बामदेब गौतमको नेतृत्वमा छुट्टै कार्यदल बनाइयो। गौतम कार्यदलले मंगलबार बिहान नियमावलीको अन्तिम मस्यौदा बुझाएको थियो। हिजो दिनभरि नेताहरुले त्यसको अध्ययन गरेपछि आजको बैठकले त्यसलाई पारित गरेको हो।

‘नियमावली पारित भएको छ, यो सँगै बिधानलाई प्रकासनका लागि पठाउने निर्णय गरिएको छ’ प्रबक्ता नारायणकाजी श्रेष्ठले भने, ‘अब तल्लो तहमा एकता प्रक्रिया अघि बढ्छ।’श्रेष्ठका अनुसार, प्रदेश र त्यो भन्दा मुनिका कमिटी र विभिन्न विभाग–आयोगहरुमा एकताका लागि कार्ययोजना निर्माण गर्न छिट्टै सचिवलायको बैठक बोलाउने निर्णयपनि भएको छ।

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*