देशकाे विकासकाे लागि सिञ्चाइ र उर्जाकाे विकास अावश्यक : मन्त्री पुन

185 Hits

भक्तपुर २३ असार

ऊर्जा, जलश्रोत तथा सिँचाइमन्त्री वर्षमान पुन अनन्तले देशमा सिँचाइ र ऊर्जाको विकास भए सहज रुपमा विकास हुने बताएका छन्।

चाँगुनारायण नगरपालिकाको तेस्रो नगरसभाबाट पारित आब २०७५-७६ को नीति, बजेट तथा कार्यक्रमको सार्वजनिकीकरण कार्यक्रममा उनले सिँचाइ र ऊर्जा विकासका लगानी बढाएको बताएका हुन् ।

उनले भने, “मन्त्रालयले विद्युत् प्रशारण लाइनको विकास र विस्तारका लागि २० वर्षको गुरुयोजना बनाएर पेश गरेको छ, अब देशमा सिँचाइ र ऊर्जाको विकासमा देश अगाडि बढ्छ ।”

सरकारले आगामी १० वर्षमा १५ हजार मेगावाट विद्युत् उत्पादन गर्ने र जनताको घरघरमा विद्युतीय चुलो र सवारी साधन पु¥याउने लक्ष्य लिएको उनको भनाइ थियो ।

मन्त्री पुनले भने, “सरकारले यसवर्ष मात्रै भारतबाट सवा खर्ब रुपैयाँभन्दा बढीका पेट्रोलियम पदार्थ आयात गरेको छ, रु २८ अर्बको मात्रै ग्याँस आयात गरेको छ, रु १८ अर्बको विद्युत् आयात गरेको छ, व्यापार घाटा मात्रै रु नौ खर्ब भएको छ, विदेशिएका नेपालीको सात अर्बभन्दा बढीको विप्रेषणले धानिरहेको छ व्यापार घाटा ।”

देशको अर्थतन्त्र भयावह रहेको भन्दै उनले सरकारले त्यसको अन्त्य गर्ने बताए। उनले भने, “विगतका सरकारले अर्थतन्त्र नै भयावह हुने गरी बनाएको खाल्डो वर्तमान सरकारले पुर्छ।”

देश संघीय संरचनाअनुसारको नयाँ व्यवस्था कार्यान्वयनको चरणमा रहेकाले यसलाई सफल बनाउने अभ्यास भइरहेको उनको भनाइ थियो। पाँच वर्षपछि फेरि जनतामाझ जानुपर्ने भएकाले पारदर्शी भएर काम गर्नुपर्नेमा जोड दिँदै उहाँले भ्रष्टाचार, अराजकतालाई अन्त्य गर्नु जरुरी रहेको औँल्याए।

चाँगुनारायण नगरपालिकाको कार्यालय स्थापनाका लागि खरिपाटीमा रहेको विद्युत् प्राधिकरणको तालीम भवन वा जग्गा नगरपालिकालाई उपलब्ध गराउने प्रतिबद्धता व्यक्त गरे। त्यसअवसरमा मन्त्री पुनले नगरपालिकाको पुस्तिका एवं मोबाइल एप्सको समेत सार्वजनिक गरे।

प्रतिनिधिसभा सदस्य एवं पूर्वमन्त्री महेश बस्नेतले जिल्लाको विकासका लागि अन्तरनगर सम्बन्ध बनाएर तीनवटै तहको सरकारबाट बढीभन्दा बढी बजेट ल्याउने कार्य गर्नुपर्नेमा जोड दिए।

सो अवसरमा नगरपालिकाका प्रमुख सोमप्रसाद मिश्रले आव २०७५-७६ को लागि कूल ९६ करोड २८ लाख ७९ हजारको बजेट सार्वजनिक गरे। रासस

Loading...

Related News

उर्जा मन्त्रीकाे सफलता : नेपालले विजुली बेच्न अब धेरै सजिलो

काठमाडौं, ८ पुस । नेपालले उत्पादन गरेको विजुली बेच्न अब धेरै सजिलो भएको छ । उर्जा मन्त्रालयको पहलमा भारतले क्रस…

हाम्रा विरुद्ध अनर्गल प्रचार गरियो, मन्त्रालयमा आएर बझ्नुस् : मन्त्रीहरु

काठमाडौं, ५ पुस । सरकारका मन्त्रीहरुले आफूहरु विरुद्ध मिडिया अनर्गल प्रचारमा उत्रिएको भन्दै यथार्थ बुझ्न मन्त्रालय आउन चेतावनी दिएका छन्…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी