बढे सर्प : एकै दिन सर्पको टोकाईबाट चार जनाको मृत्यु

40 Hits

महोत्तरी,१८ असार।

महोत्तरीमा सोमबार एकै दिन सर्पको टोकाईबाट चार जनाको मृत्यु भएको छ । बर्दिवास नगरपालिकामा २ जनाको र गौशाला नगरपालिकामा २ जनाको मृत्यु भएको हो ।

बर्दिवास नगरपालिका ५ का २७ वर्षीय बलबहादुर तामाङ, बर्दिवास नगरपालिका ६ का ७३ बर्षीय तिलकमाया राउतको मृत्यु भएको हो ।

तामाङको बर्दिवास-३ सर्पदंश उपचार केन्द्रमा उपचार सम्भव नभएपछि थप उपचारको लागि बाहिर लैजाने क्रममा मृत्यु भएको हो भने राउतको उपचारको लागि ल्याउँदै गर्दा मृत्यु भएको सर्पदंश उपचार केन्द्रले जनाएको छ ।

त्यस्तै गौशला नगरपालिका १२ बस्ने ३६ वर्षीय सुशीलकुमार सिंह र सोही ठाउँका ११ वर्षीय मनिष राउतको सर्पको टोकाइबाट मृत्यु भएको छ । सर्पले टोकेको सिंह र राउतको उपचारको लागि ल्याउदै गर्दा बाटोमा मृत्यु भएको बर्दिवास-३ गौरीडाँडास्थित सर्पदंश उपचार केन्ऽले जनाएको छ ।

सर्पको टोकाईबाट केही दिनअघि बर्दिवास-१ कि एक चार वर्षीया बालिकाको मृत्यु भएको थियो । बर्दिवासका दुई जनाको कोब्रा सर्पले टोकेको लक्षण देखा परेको र गौशाला नगरपालिकाका २ जनाको करेत सर्पको टोकाईको लक्षण देखा परेको सर्पदंश उपचार केन्द्रले जनाएको छ ।

उनीहरु सबैलाई गएराति सुतेकै ठाउँमा सर्पले टोकेको प्रहरीले जनाएको छ ।

वर्षातसँगै महोत्तरी जिल्लामा सर्पदंशको घटना हृवात्तै बढेको छ । आव २०७४/०७५ मा मात्रै २६३ जना सर्पदंशका बिरामीहरुको उपचार गरिएकोमा असार महिनामा मात्र उपचार केन्द्रले ३१ जनाको सर्पदंशका बिरामी उपचार गरेको जनाएको छ ।

उपचार केन्द्रमा एण्टी स्नेक भाइल प्रयाप्त भए पनि उपचारमा आवश्यक पर्ने भेन्टिलेटरको व्यवस्था नहुँदा सर्पदशंको उपचारको क्रममा मानवीय क्षति हुने गरेको छ ।

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी