अल्जेरियामा हाई–स्कुल लेबलको परीक्षा हुदा देशभरीको इन्टरनेट सेवा बन्द

126 Hits

बीबीसी । अल्जेरियाले हाई–स्कुल परीक्षाको समयमा देशभरीको इन्टरनेट सेवा बन्द गर्ने भएको छ । अल्जेरिया सरकारले यो कदम परीक्षामा बढेको चोरी रोक्ने उद्देश्यले चालेको हो ।

अब हाईस्कुल परीक्षाको हरेक विषयको परिक्षा शुरु हुना साथ एक घण्टाका लागि मोबाइल र फिक्स–लाइन दुबै खालको इन्टरनेट सेवा बन्द गरिनेछ ।

अल्जेरियामा जून २०–२५ मा हाईस्कूल परिक्षा हुँदैछ । यस परीक्षा अवधिभरि इन्टरनेट सेवा बन्द जारी रहनेछ ।

यो विषम कदम सन् २०१६ मा भएको हाई स्कुल परिक्षामा व्यापाक चोरीको प्रतिक्रियामा आएको छ । त्यो समय परीक्षा शुरु हुनु अघि र परिक्षा चलिरहँदा प्रश्नपत्र इन्टरनेटमा लिक भएको थियो ।

परिणाम स्वरुप अधिकारीहरुले इन्टरनेट प्रदायकहरुलाई अघिल्लो वर्ष सामजिक सञ्जालमा पहुँच रोक्नको लागि अनुरोध गरेका थिए । तर यो स्वैच्छिक कदम परिक्षा चोरी रोक्न पर्याप्त हुन सकेन ।

अल्जेरियाका शिक्षा मन्त्री नुरिया बेन्घाब्रितले अल्जेरियाली समाचार पत्र अन्नहारलाई बताए अनुसार यो पुरै अवधि फेसबुक देशभरी ब्लक गरिनेछ ।

बेन्घाब्रितले आफूहरु यो निर्णयले ‘सहज नभएको’ भए पनि ‘यस्तो सम्भावित चोरीको अवस्थालाई चुप लागेर हेर्न नसक्ने’ बताइन् ।

त्यस अतिरिक्त विद्यार्थी र शिक्षक दुबैलाई इन्टरनेट चल्ने सम्पूर्ण विद्युतीय सामाग्रीहरु परिक्षा हलमा लानलाई प्रतिबन्ध लगाइएको छ । यसको सुनिश्चिता गर्नका लागि देश भरका सबै २००० परिक्षा केन्द्र बाहिर मेटल डिटेक्टर राखिने छ ।

बेन्घाब्रितले सबै परिक्षा पत्र छापिने स्थानमा निगरानी गर्ने क्यामेरा र मोबाइल फोन जामर लगाउने बताइन् ।

अल्जेरियाभरीका ७,००,००० भन्दा धेरै विद्यार्थीहरु हाई स्कुलको प्रमाणपत्र परिक्षामा सहभागी हुदैछन् । यसको रिजल्ट अर्को जूलाई २२ मा प्रकाशन हुने अनुमान गरिएको छ ।

Loading...

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी