फेसबुकमा यस्तो परिवर्तन, हेर्नुहोस् के के हुँदैछ ?

173 Hits

फेसबुकले ४ वर्षपछि आफ्नो साइटमा रहेको ट्रेण्डिङ न्यूज फिचर बन्द गर्दैछ । फेसबुकका एकजना अधिकारीले सञ्चार माध्यमहरुलाई बताए अनुुसार यो फिचर निकै पूरानो भएको र मानिसहरुबीच खासै लोकप्रिय पनि नभएको हुँदा बन्द गर्न थालिएको हो ।

उनका अनुसार ट्रेण्डिङ फिचरको विदाइसँगै फेसबुकले एक अर्को नयाँ फिचरको परीक्षण पनि गरिरहेको छ ।

समाचार अनुसार अब फेसबुकले ब्रेकिंग न्यूज नामक फिचरको परीक्षण गर्दैछ । यो फिचरलाई प्रकाशकहरुले आफ्नो स्टोरीमा एड गर्न सक्नेछन्, जसबाट स्थानीय समाचारहरु हाइलाइट हुनेछन् ।

एक अध्ययन अनुसार ४४ प्रतिशत अमेरिकी वयस्कहरु फेसबुकका माध्यमबाटै समाचार थाहा पाउँछन् । त्यसैले फेसबुकको यो नयाँ फिचर निकै उपयोगी हुने विश्वास गरिएको छ ।

फेसबुकको विद्यमान ट्रेंडिङ फिचरमा केही समस्याहरु थिए । यसबाट कुनै एकतर्फी राजनीतिक विचारधारायुक्त समाचार मात्रै ट्रेण्डिङ हुने गरेको पाइएको थियो ।

फेसबुकले पछिल्लोपटक उठाएको कदम फेक न्यूजका कारण खप्नु परिरहेको समस्या कम गर्न तथा राजनीतिक सन्तुलन बनाइराख्न सहयोगी हुने बताइएको छ ।

स्मरणर होस् फेसबुकले सन् २०१४ मा ट्रेण्डिङ नामक फिचर लञ्च गरेको थियो । यसले मेन न्यूज फिडको छेउमा मुख्य समाचारका हेडलाइन देखाइदिन्थ्यो । जसबाट प्रयोगकर्ताले त्यसबखत इन्टरनेटमा सबैभन्दा लोकप्रिय तथा चर्चाको समाचारका बारेमा थाहा पाउँदथे । एजेन्सी

Loading...

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी