साउदी अरबका १० जना महिलाले पहिलोपटक पाए ड्राइभिङ लाइसेन्स

144 Hits

२३ जेठ, काठमाडौं । साउदी अरबमा पहिलोपटक महिलाहरुले ड्राइभिङ लाइसेन्स (चालक अनुमति पत्र) पाएका छन् । सोमबार १० जना महिलाहरुलाई लाइसेन्स वितरण गरिएको छ ।

यसअघि साउदीको क्राउन पिन्स मोहम्मद बिन सलमानले महिलाहरुलाई ड्राइभिङ लाइसेन्स नदिने नियम हटाउने ऐतिहासिक निर्णय लिएका थिए ।

अब २४ जुनदेखि साउदी अरबका सडकमा महिलाहरुले पनि गाडी चलाइरहेको देखिने छ । यसका लागि सर्वसाधारणहरुलाई पनि लाइसेन्स वितरण गरिँदै छ ।

महिलाहरुलाई गाडी चलाउने हक दिने यो कदम रुढिवादी देशलाई आधुनिक बनाउनका लागि क्राउन प्रिन्स मोहम्मद बिन सलमानको उदारीकरण अभियानअन्तर्गत चालिएको हो । यद्यपि यो निर्णय लिँदा क्राउन प्रिन्सले आलोचना पनि खेप्नु परेको थियो ।

यसअघि साउदी अरबकी राजकुमारी हेफा बिन्त अब्दुल्ला अल साउदको तस्वीर चर्चित फेशन म्यागजिन ‘वोग’को कभर पेजमा छापिएको थियो । सो तस्वीरमा राजकुमारीले अग्लो हिल भएको स्यान्डिल लगाएकी छन् । उनले बुर्का लगाएकी छैनिन् र गाडी चालकको सिटमा बसेकी छन् ।

यो तस्वीर सार्वजनिक भएपछि केही मानवअधिकारकर्मीले आलोचना गरेका थिए । आलोचना गर्ने तिनै अधिकारकर्मीलाई पक्राउ गरिएको थियो । केहीले पक्राउ परेकाहरुलाई रिहा गर्न पनि माग गर्दै आएका छन् ।

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी