नेपालीलाई ५ वर्षमा सम्वृद्ध राष्ट्रका सुखी जनता बनाउने मन्त्री पुनको प्रतिबद्धता, यस्ताे छ श्वेत पत्र

65 Hits

काठमाडौं, २५ बैशाख ।

ऊर्जा, जलश्रोत तथा सिंचाईमन्त्री वर्षमान पुनले आगामी ५ वर्षमा नेपालीलाई ५ वर्षमा सम्वृद्ध राष्ट्रका सुखी जनता बनाउने महवकांक्षी प्रतिबद्धता सार्वजनीक गरेका छन् ।

मन्त्रालयमा मंगलबार अपरान्ह आयोजित वर्तमान अवस्था र भावी मार्गचित्र सहितको १ सय २५ बुंदे श्वेत पत्र जारी गर्ने कार्यक्रममा बोल्दै मन्त्री पुनले जनतालाई समृद्ध राष्टका सुखी जनता बनाउने संकल्प गरेका हुन् ।

मन्त्री पुनले आगामी १० वर्षभित्र १५ हजार मेगावाट विजुली उत्पादन गर्ने लक्षसहित प्रत्येक प्रदेशमा मेगा उर्जा प्रोजेक्ट बनाउने योजना उल्लेख गरेका छन् । नेपालको पानी जनताको लगानी, हरेक नेपाली विद्युतको शेयरधनी’ जस्ता नारा अघि सार्दै मन्त्री पुनले उच्च क्षमताका विद्युत प्रसारण लाईन निर्माण गर्ने योजना अगाडि सारेका छन् ।

मन्त्री पुनले जारी गरेकाे पत्रमा १५ हजार ८ सय ८७ मेगावाट क्षमताका ३ सय २ वटा आयोजनाका प्रवद्र्धकहरुलाई विद्युत उत्पादनको सर्वेक्षण अनुमतिपत्र दिइएको र १ सय वटा विद्युत प्रशारण लाइनको सर्वेक्षण अनुमतिपत्र तथा ९६ वटा विद्युत प्रशारण लाइनको निर्माण अनुमतिपत्र जारी गरिएको पनि जानकारी दिइएको छ । 

‘एक प्रदेश, एक मेगा प्रोजेक्ट’ कार्यक्रम अन्तर्गत हरेक प्रदेशमा कम्तिमा एउटा ठूलो जलविद्युतरसौर्य आयोजनाको निर्माण शुरु गर्ने श्वेतपत्रमा उल्लेख छ । ‘हरेक घर, उर्जा घर’ को अवधारणा अन्तर्गत उर्जा दक्षता कार्यक्रम र घर घरमा राखिने रुफ टप सौर्य उर्जालाई नेट मिटरिङ्ग तथा नेट पेमेण्टका आधारमा ग्रीडमा जोड्ने कार्यक्रमलाई अभियानको रुपमा अघि बढाईने मन्त्री पुनले जानकारी गराए ।

उनले आगामी दश वर्षमा उत्पादन गरिने १५,००० मेगावाटको लक्ष्यलाई आधार मानी विद्युत आयोजनाहरुको उत्पादन समिश्रणका लागि जलाशययुक्त तथा पम्प स्टोरेजः ३०–३५ प्रतिशत, पिकिङ रन अफ द रिभरः २५–३० प्रतिशत, रन अफ द रिभरः ३०–३५ प्रतिशत र अन्य वैकल्पिक श्रोतः ५–१० प्रतिशत बमोजिमको अनुपात कायम गरी टेक अर पे सिद्धान्तको आधारमा विद्युत खरिद संझौता गर्ने व्यवस्था मिलाईने बताए ।

उनले जारी गरेको श्वेत पत्रमा प्रसारण लाईन निर्माण गर्दा राइट अफ वे मा परेका सर्वसाधारणको जग्गको भाडा दिने व्यवस्था गर्ने विषय पनि परेको छ । जुन विषयमा देशभरका जग्गा धनी र पीडितहरुले आन्दोलन र संघर्ष गर्दै आइरहेका थिए ।

श्वेत पत्रकाे पूरा पाठ

White-Paper-2075 (1)

 

Related News

झन्डै १५ वर्षपछि नेपाल लोडसेडिङमुक्त, कसरी भयाे सम्भव ?

लक्ष्मीप्रसाद उपाध्याय काठमाडौँ,  ३१ वैशाख  । झन्डै १५ वर्षपछि नेपाल लोडसेडिङमुक्त देश भएको छ । नेपाल विद्युत् प्राधिकरणले सन् २००३…

‘पीपीए गरेर काम नगर्नेको लाइसेन्स खारेज गर्छाै।’-उर्जामन्त्री

काठमाडौं–उर्जामन्त्री वर्षमान पुन ‘अनन्त’ ले ३ करोड नेपालीलाई जलविद्युतको सेयरको हकदार बनाइने बताएका छन्। रसुवामा निर्माणाधिन विभिन्न जलविद्युत आयोजनाको निरीक्षण…

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*