प्रतिशतमा हाेइन समानताका आधारमा एकता : पोखरेल

157 Hits

काठमाडौँ, १८ वैशाख /

नेकपा (एमाले) का महासचिव एवं रक्षामन्त्री ईश्वर पोखरेलले प्रतिशतका आधारमा नभई न्यायोचित सम्मान र समानताका आधारमा नेकपा (माओवादी केन्द्र) सँग चाँडै एकता हुने बताउनुभएको छ ।

नेपाल ट्रेड युनियन महासंघ (जिफन्ट) को सातौँ राष्ट्रिय महाधिवेशनबाट नवनिर्वाचित नेतृत्वलाई कार्यभार हस्तान्तरण समारोहमा आज महासचिव पोखरेलले आफूहरुले गरेका प्रतिबद्धतालाई कार्यान्वयनको परीक्षाको घडी आएकाले एकताबाट भाग्ने छुट दुवै पार्टीका नेतालाई नभएकाले यथोचित, सम्मानजनक र समानताका आधारमा एकता हुने बताउनुभयो ।

उहाँले भन्नुभयो, “पचास पचास वा साठी चालीस प्रतिशतमा होइन तीन आधारमा एकता हुन्छ । यसमा ढुक्क हुनुस् । यो राष्ट्र, जनताको चाहना र आवश्यकता हो । यसलाई हामीले जिम्मेवार र संवेदनशील रुपमा पूरा गर्नेछौँ ।”

दुई पार्टीको एकता संयोजन समितिले दुई अध्यक्ष केपी शर्मा ओली र पुष्पकमल दाहाल ‘प्रचण्ड’लाई प्राविधिक र अन्य विषयको बिट मार्न जिम्मेवारी दिएकाले अतीतमुखी नभई भविष्यमुखी विचारका आधारमा एकता हुने स्पष्ट गर्नुभयो ।

उहाँले वाम गठबन्धनले चुनावमा जारी गरेको साझा घोषणापत्रका आधारमा सरकारले नीति तथा कार्यक्रम र बजेट ल्याउने तयारी गरेको जनाउँदै लोकतान्त्रिक प्रतिष्पर्धालाई जित्ने र जित्न नसक्ने दुवैले स्वीकार गर्न सक्नुपर्ने जनाउनुभयो ।

“राजनीतिक अधिकार प्राप्तिको कालखण्ड आधारभूत रुपमा पूरा भएकाले अब राजनीतिक स्थिरतासहित आर्थिक समृद्धिका लागि वर्तमान सरकारले काम गर्नेछ । श्रमिक आन्दोलनले पनि यही साझा मुद्दामा काम गर्नुपर्छ”, उहाँले भन्नुभयो ।

निवर्तमान अध्यक्ष एवं महासंघका संरक्षक विष्णु रिमालले सरकारले मजदूरको साक्षी भएर मात्र होइन मजदूरका पक्षमा काम गर्नुपर्ने उल्लेख गर्दै महासंघको गौरव र उपलब्धिलाई नयाँ नेतृत्वले आत्मसात् गर्नुपर्ने अपेक्षा गर्नुभयो ।

नवनिर्वाचित अध्यक्ष विनोद श्रेष्ठले विगतको उपलब्धिका जगमा श्रमिक अधिकारको रक्षा र मुलुकको समृद्धिका लागि महासंघले काम गर्ने बताउनुभयो । (रासस)

Loading...

Related News

कार्यबाहक प्रधानमन्त्री पाेखरेल भन्छन् – सरकारले चैतपछि गति लिन्छ

हेटौंडा, १० माघ – सरकारका कार्यबाहक प्रधानमन्त्री तथा रक्षा मन्त्री ईश्वर पाेखरेलले सरकारले चैतपछि गति लिने बताएका छन् । हेटाैडामा…

सुकी काठमाडौंमा, उपप्रधानमन्त्री पोखरेलले गरे स्वागत

काठमाडौं, १३ मंसिर । म्यानमारकी विदेश मन्त्री आङ सान सुकी काठमाडौं आइपुगेकी छन्। प्रधानमन्त्री केपी शर्मा ओलीको निमन्त्रणामा औपचारिक २…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी