छात्रवृत्तिले छाएकाे खुशी

148 Hits

काठमाडौँ, १८ वैशाख ।

विश्व निकेतन कलेज, त्रिपुरेश्वरमा कक्षा ११ मा अध्ययनरत मनिता नेपालीलाई छात्रवृत्ति पाएपछि खुशीको अनुभूति भएको छ ।

विज्ञान विषय लिएर अध्ययन गर्दै गरेकी मनितालाई घरको आर्थिक अवस्था कमजोर भएका कारण पढाइमा समस्या आउने होकि भन्ने चिन्ताले सधैँ सताइरहेको थियो । तर, दलित महिला उत्थान संघ ९एड्वान० ले कक्षा ११ र १२ का लागि छात्रवृत्ति प्रदान गरेपछि भने मनिता खुशीले गद्गद् छिन् ।

मेरो घरको आर्थिक अवस्था अत्यन्त कमजोर छ, भविष्यमा डाक्टर बन्ने उद्देश्य राख्नुभएकी मनिताले उत्साही हुँदै भन्नुभयो,– “यो छात्रवृत्ति पाएपछि झन् पढ्न मन लागेको छ, पढ्ने हौसला बढेको छ ।” मनितालाई मात्र होइन, एड्वानले छात्रवृत्ति प्रदान गरेपछि मनमोहन मेमोरियल कलेज, सोह्रखुट्टेमा कक्षा ११ मा शिक्षा विषय लिएर अध्ययन गर्दै गरेकी विनिषा परियारलाई पनि पढ्ने जाँगर चलेको छ ।

घरको आर्थिक अवस्था कमजोर भएकी गोरखाकी विनिषाले भन्नुभयो,–“काठमाडौँमा पढाइसँगै बस्न र खानसमेत समस्या भएको थियो तर एड्वानले पढ्नका लागि छात्रवृत्ति प्रदान गरेपछि पढाइमा सहयोग पुगेको छ ।”

विसं २०५५ मा स्थापना भएको एड्वानले मनिता र विनिषालाई मात्र होइन, आर्थिक अवस्था कमजोर भएका हजारौँ गरीब समुदायका विद्यार्थीलाई छात्रवृत्ति प्रदान गर्दै आएको छ । एड्वानकै छात्रवृत्ति पाउनुभएकी गोरखाकी सजिता परियार अहिले धादिङमा परिचारिकाको रुपमा कार्यरत हुनुहुन्छ । त्यसैगरी, छात्रवृत्ति पाउने गोरखाकी लक्ष्मी काप्री पनि पढाइ सकेर जागिरको सिलसिलामा हुनुहुन्छ ।

एड्वानकै छात्रवृत्ति पाएर बिबिएस पढाइ सक्नुभकी बागलुङकी प्रिया किसानले एड्वानकै कारण आफूले पढाइ सक्न सफल भएको बताउँदै एड्वानलाई धन्यवाद दिनुभयो । यो वर्ष मात्रै एड्वानले कक्षा ११ र १२ का अति गरीब, जेहेन्दार, दलित तथा उत्पीडनमा पारिएका समुदायका १०० जना विद्यार्थीलाई पूर्ण छात्रवृत्ति प्रदान गर्ने भएको छ ।

तीमध्ये चारजना अतिगरीब विद्यार्थीलाई प्रदान गरिसकिएको छ भने २० जनालाई प्रदान गर्ने सुनिश्चित भएको छ । बाँकीका लागि आवेदन माग गरिएको छ । बिहीबार एड्वानले छात्रवृत्ति पाएर सफल भएका विद्यार्थी र भर्खरै छात्रवृत्ति पाएका विद्यार्थीलाई सम्मानसमेत गरेको छ ।

सोही अवसरमा सम्मान तथा छात्रवृत्ति प्रदान गर्दै शिक्षा, विज्ञान तथा प्रविधिमन्त्री गिरिराजमणि पोखरेलले करीब तीन लाख बालबालिका विद्यालय बाहिर रहेको सन्दर्भमा एड्वानले छात्रवृत्ति प्रदान गरेर विद्यार्थीलाई पढाइमा आकर्षित गर्नु आफैँमा सकारात्मक काम हो भन्नुभयो ।

यस संस्थाले २०५९ सालदेखि २०६८ सालसम्म विद्यालय पोशाक वितरण कार्यक्रम समेत सञ्चालन गरेको थियो । कार्यक्रममार्पmत गोरखा, बागलुङ, अर्घाखाँची, चितवन, मुगु, झापा र इलामका १५ हजार ६७३ छात्रछात्रा लाभान्वित भएका थिए । अहिले नयाँ दर्ता हुन आएका समूहका बालबालिकालाई पनि तीन वर्षसम्म प्रदान गर्दै आएको छ ।

एड्वानले शुरुदेखि नै गरीब विद्यार्थीलाई अध्ययनका लागि छात्रवृत्ति प्रदान गर्नुका साथै ग्रामीण क्षेत्रका दलित, महिला, सीमान्तकृत तथा अतिविपन्न समुदायमा आयआर्जनमूूलक सीपसमेत सिकाउँदै आएको संस्थापक अध्यक्ष तथा संरक्षक डा विष्णुमाया परियारले राससलाई जानकारी दिनुभयो ।

एड्वानले सीप मात्रै सिकाउँदैन, सीप सिकाइसकेपछि व्यापार÷व्यावसाय गर्नका लागि ऋणसमेत उपलब्ध गराउँदै आएको छ । राज्यको मूलधारबाट पछाडि पारिएको गरीब, दलित महिलालगायत अति सीमान्तकृत सुमदायलाई शैक्षिक, आर्थिक, सामाजिक, सांस्कृतिक र राजनीतिक रुपमा सशक्त बनाउनु एड्वानको मुख्य उद्देश्य रहेको छ ।

“एड्वानले यो देशमा शैक्षिक समानताका लागि खासगरी अतिगरीब विद्यार्थीलाई छात्रवृत्ति प्रदान गर्दै आएको छ, आगामी दिनमा समेत यसलाई अझै सक्रियताका साथ निरन्तरता दिने योजना रहेको छ,”– अध्यक्ष पम्फा परियारले भन्नुभयो ।

छात्रवृत्तिलगायत अन्य कार्यक्रमलाई देशैभरि विस्तार गर्ने अध्यक्ष परियारको भनाइ छ । एड्वानले गरीब, दलित तथा उत्पीडित समुदायको अधिकारका लागि समेत निरन्तर पैरवी गर्दै आएको महासचिव विन्दु परियारले जानकारी दिनुभयो ।

Loading...

Related News

के यहि तरिकाले हुन्छ बालबालिकाकाे विकास ?

काठमाडौं, २४ मंसिर — शिक्षामा निजिकरणकाे असर बालबालिकाकाे मनाेविज्ञानमा गम्भीर असर परेकाे छ । शिक्षाकाे नाममा खाेलिएका निजी स्कुलमा विद्यार्थीले…

सम्बन्धनविरूद्द नेविसँघले लगायाे त्रिविमा ताला, के भन्छन् अखिल ?

काठमाडौँ, १९ मङ्सिर- प्रमूख प्रतिपक्षी नेपाली कांग्रेसको भातृ संगठन नेपाल विद्यार्थी संघले त्रिभुवन विश्वविद्यालयको पदाधिकारी कक्षमा ताला लगाइएको छ ।…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी