मेस्सीले ह्याट्रिक गरेपछि बार्सिलोनाले जित्यो उपाधी । यसरी गरे मेस्सीले ३ गोल

144 Hits

काठमाडौं, १७ बैसाख ।
अन्तत : स्पेनिस ला लिगाको उपाधि बार्सिलोनाले हात पारेको छ । सर्वाधिक चर्चित खेलाडी लिओनेल मेसीको ह्याट्रिकको मदतले डेपोर्टिभोलाई ४/२ ले हराउँदै बार्सिलोनाले २५ औं पटक स्पेनिस ला लिगाको उपाधि जितेको हो । मेसीले लुइस स्वारेजको पासमा तीनै गोल गरेका थिए।

खेलको सातौं मिनेटमा बार्सिलोनाले फिलिप कोउटिन्होको गोलबाट अग्रता लिएको थियो। ३८ औं मिनेटमा मेसीले बार्सिलोनाको अग्रता दोब्बर पारे। त्यसको दुई मिनेटमा लुकास पेरेजले डेपोर्टिभोको लागि गोल फर्काउँदै खेल २/१ मा ल्याए।

पहिलो हाफमा २/१ ले अगाडि रहेको बार्सिलोनाले दोस्रो हाफमा थप दुई गोल गर्‍यो। दोस्रो हाफको ६४ औं मिनेटमा एम्रे कोलाकले गोल गर्दै खेल डेपोर्टिभोलाई बराबरीमा ल्याए।

मेसीले खेलको ८२ औं मिनेटमा सुआरेजसँग वान(टु पास खेल्दै गोल गरेपछि बार्सिलोनाले पुनः ३(२ को अग्रता लियो। त्यसको तीन मिनेटपछि सुआरेजकै पासमा गोल गर्दै मेसीले बार्सिलोनाको जित सुनिश्चित गरे।

बार्सिलोनाले चार खेल अगावै उपाधि जित्ने क्रममा ३४ खेलबाट ८६ अंक जोडेको छ। उसलाई पछ्याइरहेको एथ्लेटिको मड्रिडले ३५ खेलबाट ७५ अंक जोडेको छ। रियल मड्रिड भने ३४ खेलबाट ७१ अंकमा सीमित भएको छ। अबका बाँकी ३ खेल एथ्लेटिकोले जित्दा पनि बार्सिलोनासँग रहेको ११ अंकको दुरी भेट्न असम्भव भएसँगै बार्सिलोनाले चार खेल अगावै उपाधि उचालेको हो ।

मेस्सीले ह्याट्रिकसँगै जारी सिजनमा लिग गोल संख्या ३२ पुर्‍याएका छन्। उनले युरोपमा सर्वाधिक गोल गर्ने सूचिमा मोहमद सलाहलाई १ गोलले पछाडि पारे। यससँगै ला लिगमा लगातार ७ सिजन ३० भन्दा बढी गोल गर्ने मेसी पहिलो खेलाडी पनि बनेका छन्।

Loading...

Related News

५ वर्षपछि साफ च्याम्पियनसिपको सेमिफाइनलमा नेपाल

काठमाडौँ,  भदौ— घरेलु राष्ट बंगलादेशलाई हराउँदै नेपाल ५ वर्षपछि साफ च्याम्पियनसिपको सेमिफाइनल पुगेको छ । नेपालले शनिबार बंगलादेशको ढाकास्थित बंगबन्धु…

एक दिवसीय मान्यता प्राप्त क्रिकेट टोली स्वदेश फिर्ता, क्रिकेटप्रेमीको भव्य स्वागत

काठमाडौं, ६ चैत/ अन्तर्राष्ट्रिय क्रिकेटमा ऐतिहासिक उपलब्धि हासिल गरेका नेपाली क्रिकेट टोली आज साँझ स्वदेश फर्केको छ । जिम्बाब्वेमा सम्पन्न…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी