‘पीपीए गरेर काम नगर्नेको लाइसेन्स खारेज गर्छाै।’-उर्जामन्त्री

237 Hits

काठमाडौं–उर्जामन्त्री वर्षमान पुन ‘अनन्त’ ले ३ करोड नेपालीलाई जलविद्युतको सेयरको हकदार बनाइने बताएका छन्।
रसुवामा निर्माणाधिन विभिन्न जलविद्युत आयोजनाको निरीक्षण पश्चात स्फ्रुुबेसीमा शनिबार आयोजित पत्रकार सम्मेलनमा मन्त्री पुनले हरेक नेपाली नागरिकलाई जलविद्युतको सेयरको हकदार बनाउन आगामी वर्षको बजेटमा नीतिगत व्यवस्था गरिन लागिएको बताएका हुन्।
‘आगामी आवको बजेटबाट हिमाल, पहाड, तराई सबै क्षेत्रका जनता जलविद्युतको सेयर रहने गरी नीतिगत व्यवस्था गरिने छ,’ मन्त्री पुनले भने ।
संघीय, प्रदेश र स्थानीय सरकार मिलेर जलविद्युतमा लगानी गर्न तयार रहेको उल्लेख गर्दै पुुनले निर्माणमा सहयोग गर्न स्थानीय राजनीतिक दल एवं आम जनतालाई आग्रह गरे।
मन्त्री पुनले निर्माणाधिन विद्युत आयोजना समयमै सम्पन गर्न निर्देशन समेत दिए।
आयोजना निर्माणको जिम्मा पाएका स्वदेशी तथा विदेशी ठेकेदार कम्पनीलाई समयमै काम सक्न निर्देशन दिँदै पुुनले लाइसेन्स ओगटेर एवं पीपीए गरेर काम नगर्ने नगर्नेलाई कारबाही गर्ने चेतावनी दिए। ‘लाइसेन्स मात्र होल्ड गरेर बस्ने, काम नगर्ने प्रवृत्तिलाई गम्भीर रुपमा लिएका छौं,’ उनले भने, ‘पीपीए गरेर काम नगर्नेको लाइसेन्स खारेज गर्छाै।’
उनले नीतिगत रुपमै व्यवस्था गरेर ट्रान्समिसन लाइन निर्माण गरिने बताए। पुुनले गल्छी–रसुवागढीसम्म सडकको स्तरोन्नतीका लागि सम्बन्धीत मन्त्रालयलाई झकझकाउने र अद्यागमनका लागि भौतिक पूूर्वाधार निर्माणका लागि सम्वद्ध मन्त्रालयलाई आग्रह गर्ने प्रतिवद्धता जनाए।
फरक प्रसंगमा मन्त्री पुुनले एमाले र माओवादीबीच हुन लागेको पार्टी एकताबाट निरुङ्कुसता नआउने बताए।
प्रमुख प्रतिपक्षी कांग्रेसतर्फ इंगित गर्दै माओवादी नेता एवं मन्त्री पुुनले देश र जनताको हितमा हुन लागेको एकतालाई अन्यथा नलिन आग्रह गरे।
सम्मानजनक ढंगबाट पार्टी एकता हुने उल्लेख गर्दै पुुनले इतिहासका संघर्षलाई एक–अर्काले सम्मान गर्ने बताए।
बलियो र स्थायी सरकारले मुलुकुको विकास र समृद्धि, सुशासनका लागि काम गर्ने उनको भनाई छ।

Loading...

Related News

उर्जा मन्त्रीकाे सफलता : नेपालले विजुली बेच्न अब धेरै सजिलो

काठमाडौं, ८ पुस । नेपालले उत्पादन गरेको विजुली बेच्न अब धेरै सजिलो भएको छ । उर्जा मन्त्रालयको पहलमा भारतले क्रस…

हाम्रा विरुद्ध अनर्गल प्रचार गरियो, मन्त्रालयमा आएर बझ्नुस् : मन्त्रीहरु

काठमाडौं, ५ पुस । सरकारका मन्त्रीहरुले आफूहरु विरुद्ध मिडिया अनर्गल प्रचारमा उत्रिएको भन्दै यथार्थ बुझ्न मन्त्रालय आउन चेतावनी दिएका छन्…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी