खानेपानी मन्त्री मगरले लिइन् ३ बालबालिकाको शैक्षिक अभिभावकत्व

104 Hits

कञ्चनपुर, १० बैशाख ।

खानेपानी मन्त्री बिना मगरले विद्यार्थी भर्ना राष्ट्रिय अभियान अन्तर्गत कञ्चनपुरका ३ बालबालिकाको शैक्षिक अभिभावकत्व ग्रहण गर्दै विद्यालय भर्ना गराएकी छन् ।

सरकारले देशैभरि सञ्चालन गरेको राष्ट्रिय अभियानमा सहभागिता जनाउन कञ्चनपुर पुग्दै मन्त्री मगरले बेलौरी नगरपालिका र बेल्डाडी गाउँपालिकाका ३ विद्यार्थीलाई भर्ना गराएकी हुन् ।

मन्त्री मगरले बेलौरी नगरपालिका-१० शिवनगरस्थित शिद्धेश्वर माविमा सन्दिप चौधरीलाई ७ कक्षामा, बेलौरीकै पुष्पलाल जनजागृति माविमा आदित्य चौधरीलाई ५ कक्षामा र बेल्डाडी गाउँपालिकाको शिद्धनाथ माविमा प्रकाश गिरीलाई १ कक्षामा भर्ना गराइन् ।

शिवनगरको शिद्धेश्वर माविमा आयोजित कार्यक्रमलाई सम्बोधन गर्दै मन्त्री मगरले अभिभावकत्व ग्रहण गर्ने अभियान सन्देशात्मक भएको बताइन्। `भर्ना अभियानले गाउँगाउँ र वडावडामा जागरण पैदा गरेको छ,´ उनले भनिन्, `सरकारको भर्ना अभियानलाई सफल बनाउन सबैले बालबालिकाको अभिभावकत्व ग्रहण गर्नुपर्छ ।´

गरीब र सबै वर्गका बालबालिकालाई शिक्षाको पहुँचमा पुर्याउन सरकारले अभियान थालेको उनले बताइन् । `समृद्ध नेपाल निर्माणको अभियानलाई सार्थक बनाउन विद्यार्थी भर्ना अनिवार्य हुन्छ,´ उनले भनिन्, `शिक्षालाई रोजगारमुलक बनाएर समृद्धि ल्याउन सकिन्छ ।´ विद्यार्थी भर्ना अभियान सरकारको मात्र नभई सबै जनताको भएको उनले बताए ।

Related News

सिटामाेल भन्दा बढी खानेपानीलाई बजेट चाहिन्छ – मन्त्री विना मगर

बर्दिया । खानेपानी मन्त्री बिना मगरले स्वास्थ्य उपचारमा सिटामोलभन्दा स्वच्छ खानेपानीका लागि सरकारले बढी बजेट छुट्याउनुपर्ने बताउनुभएको छ । बर्दियाको…

सबै जनताको पहुचमा स्वच्छ र सफा खानेपानी- मन्त्री बिना मगर

धनगढी/ खानेपानी मन्त्री बिना मगरले स्वच्छ र सफा खानेपानी देशका सबै जनताको पहुचमा पुरयाउन आफू प्रतिवद्ध रहेको बताएकी छिन् ।…

Comments are closed