पार्टी एकता सम्मानित, न्यायोचित र समानताको आधारमा मात्रै- प्रचण्ड

241 Hits

काठमाडौं ।

नेकपा (माओवादी केन्द्र)का अध्यक्ष प्रचण्डले नेकपा (माओवादी केन्द्र) र नेकपा एमालेबीच हुन गइरहेको पार्टी एकता सम्मानित, न्यायोचित र समानताको आधारमा हुने समझदारी भएको बताउनु भएको छ । आइतवार नेपाल कम्युनिष्ट पार्टीको ६९ औं स्थापना दिवस तथा १६८ औं लेनिन जयन्तीको अवसरमा राजधानीमा अयोजित कार्यक्रमलाई सम्वोधन गर्दै उहाँले यस्तो उद्घोष गर्नुभएको हो ।

अध्यक्षले भन्नुभयो, ‘दुई पार्टीका अध्यक्षका बीचमा मोडालिटी तयार भएको छ, त्यो मोडालिटी भनेको सम्मानित, न्यायोचित र समानताका आधारमा पार्टी एकता हो ।’ उहाँले पार्टी एकता भनेको वा तोकिएको दिनमा नभई नभनेको वा नतोकिएको दिनमा हुने बताउनु भयो ।

पार्टी एकता जनताको सम्पति भएको बताउँदै यसबाट पछि हट्ने कहीँ कसैलाई छुट नभएको उहाँको धारणा थियो । अध्यक्षले भन्नुभयो, ‘वाम तालमेलले मात्र राष्ट्रको आवश्यकतालाई सम्वोधन गर्न र कम्युनिष्ट आन्दोलनको भविश्यलाई सुनिश्चित गर्न नसक्ने भएकाले परिपक्क ढंगले हामीले पार्टी एकतामा जाने निर्णय गरेका हौं ।’

उहाँले कम्युनिष्ट पार्टीहरुको एउटै केन्द्र बनाएर राजनीतिक स्थिरता, विकास र समृद्धि तिर देशलाई लैजानु पर्ने बताउनु भयो । ‘हामीलाई जनताले स्थिरता, विकास र समृद्धिका लागि भरोसा गरेका हुन्, उहाँले भन्नुभयो ।

लामो समयदेखि कम्युनिष्ट केन्द्र निर्माणको लागि एकताको छलफल र बहस चलेको उहाँको भनाई थियो । अध्यक्ष प्रचण्डले भन्नुभयो, ‘हामीहरुले राष्ट्रको विकास र नेतृत्व गर्ने गरी शक्तिशाली कम्युनिष्ट केन्द्र बनाउने हो, दुई पार्टी मात्रै मिल्ने होइन ।’

उहाँले आफूहरु राष्ट्रिय एकता, समृद्धिको लागि एक भएर अगाडि बढ्ने तर हतारमा पार्टी एकता गरेर पश्चताप गर्ने पक्षमा नरहेको बताउनु भयो ।- www.cmprachanda.com

Loading...

Related News

सीता दाहालको स्वास्थ्यमा उच्च सुधार, प्रचण्ड छिट्टै फर्किने

काठमाडौं, १० चैत गणतन्त्र नेपालका प्रथम प्रधानमन्त्री तथा सत्तारुढ नेकपाका अध्यक्ष पुष्पकमल दाहाल प्रचण्डकी जीवन संगिनी सीता दाहालको स्वास्थ्यमा उच्च…

प्रचण्डलाई भेट्दा किन खुशी भए पुुुुर्व राजदूत डेलिसी ?

काठमाडौं, ७ चैत – नेपालका लागि पूर्व अमेरिकी राजदूत स्कट डेलिसीले अमेरिकामा प्रचण्डलाई भेट्दा अत्यन्त खुशी व्यक्त गरेका छन् ।…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी