बैसाख ९ गते एकीकरणको भव्य तयारी गर्न एकता संयोजन समितिको निर्देशन

96 Hits

काठमाडौं, २२ चैत ।
नेकपा एमाले र नेकपा माओवादी केन्द्रको पार्टी एकता आगामी २०७५ साल बैसाख ९ गते हुने निश्चित भएको छ ।
संयोजन समितिको आज सम्पन्न बैठकले बैसाख ९ गते नै एकीकरणको घोषणा गर्ने निर्णय गरेको हो । एकीकरणको लागि भव्य कार्यक्रम आयोजना गरिने पनि संयोजन समितिले निर्णय गरेको छ ।

कार्यदलमा सहमति नजुटेका विषयमा छलफल गर्न बिहिबार बिहान ९ बजेदेखि बसेको बैठक विना निश्कर्ष सकिएको छ । माओवादी नेता तथा एकता संयोजन समितिका सदस्य नारायणकाजी श्रेष्ठका अनुसार नेताहरुबीच सहमति नभएका विषयमा प्रधानमन्त्री केपी ओली भारत भ्रमणबाट स्वदेश फर्किएपछि २७ गते मात्रै छलफल गरेर टुङग्याउने विषयमा कुराकानी भएको छ ।
उनकाअनुसार पार्टी एकता घोषणा बैशाख ९ मा गर्ने सहमति भएको छ । एकता घोषणासभाका लागि त्यसअघि देशभर प्रचारप्रसार गर्ने निर्णय भएको उनले बताए । एमाले र माओवादी नेता कार्यकर्ताहरूलार्इ ९ गते हुने एकताको तयारी थाल्न निर्देशन दिएका छन् ।

एकीकृत पार्टीको चुनाव चिह्न के हुने र विधानको प्रस्तावनामा जनयुद्ध शब्द राख्ने की नराख्ने भन्ने विषयमा भने अझै सहमति बनिसकेको छैन । ती विषयमा ओली भारत भ्रमणबाट आएपछि छलफल हुने बताइएको छ । माओवादी नेताहरुले सूर्यसँगै हँसिया हथौडा पनि चुनाव चिह्न राख्दा एकताको भावना झल्किने तर्क गर्दै आएका छन् भने एमाले नेताहरुले सबैले चिनिसकेको र लोकप्रिय रहेकाले सूर्य मात्रै चुनाव चिह्न राख्नुपर्ने अडान राख्दै आएका छन् ।
माओवादी र एमाले नेताहरु एक आपसमा सहमति निर्माण गर्ने तिर भन्दा प्रेसर बनाउने काममा लागेको भन्दै आलोचना पनि भएको छ ।

Related News

यस्ताे बन्दैछ नेकपाकाे तल्लाे कमिटि, जनसंगठनका लागि छुट्टै कार्यदल

काठमाडाैं । नेपाल कम्युनिस्ट पार्टी (नेकपा)मा केन्द्रीय कमिटीभन्दा तलका कमिटीहरूमा दुईजना मात्र पदाधिकारी रहने भएका छन् । जनसंगठनमा भने धेरै संख्यामा पदाधिकारी…

माअाेवादी एमाले एकता अाज (कार्यसुची), अाज नै दुबै नाम हट्ने, ५ बजे पत्रकार सम्मेलन

काठमाडाै‌,  ३ जेठ । निकै लामाे प्रतिक्षा र अाश‌का चिर्दै अन्तत नेपालका ठूला दुइ कम्युनिष्ट पार्टीहरु एक हुने भएका छन्…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी