उर्जा मन्त्रालय र प्राधिकरणका कर्मचारीलाई निर्देशन दिंदै मन्त्री पुनले के भने ?

176 Hits

काठमाडौँ, चैत ५ गते ।

ऊर्जा, जलस्रोत तथा सिँचाइ मन्त्री वर्षमान पुनले आगामी १० वर्षमा कम्तीमा पनि १० हजार मेगावाट विद्युत् उत्पादन गर्नैपर्ने बताएका छन् ।
प्राधिकरणमा सोमवार आयोजित स्वागत समारोहलाई सम्बोधन गर्दै मन्त्री पुनले भने -‘सबैको सकारात्मक र सार्थक प्रयत्नबाट मात्रै त्यो लक्ष्य हासिल हुनेछ ।’
उनले परिणाम निकाल्ने गरी काम गर्न नेपाल विद्युत् प्राधिकरणका कर्मचारीलाई निर्देशन दिएका थिए ।

उनले प्राधिकरणको प्रणालीमा रहेको चुहावट नियन्त्रण गर्न, लामो समयदेखि रोकिएका आयोजना तत्काल सम्पन्न गर्ने वातावरण बनाउन कर्मचारीहरुलाई निर्देशन दिएका छन् ।

सरकारले एकाध वर्षभित्र दोहोरो अंकको आर्थिक वृद्धिको लक्ष्य निर्धारण गरेको भन्दै त्यसको आधार ऊर्जा नै भएकाले इमान्दार भएर काम गर्न प्राधिकरणका कार्यकारी निर्देशकलगायत सबै कर्मचारीलाई मन्त्री पुनले निर्देशन दिएका थिए ।

माओवादीका प्रभावशाली नेता समेत रहेका मन्त्री पुनले भने “लामो समयदेखि कुलेखानी तेस्रो निर्माण सम्पन्न हुन सकेको छैन । माथिल्लो त्रिशूली ‘ए’ आयोजनाको अवस्था उस्तै छ । माथिल्लो तामाकोशी आयोजनासमेत लयमा छैन भन्ने सुनेको छु । अब कुनै पनि आयोजना रोकिनु हुँदैन । समयमा सकिनु पर्छ ।” उनले ऊर्जामा नेपाललाई आत्मनिर्भर बनाउन पनि जलविद्युत् क्षेत्रमा विशेष लगानी जरुरी रहेको बताएका थिए ।

पेट्रोलियम पदार्थ आयातमा मात्रै वर्षेनी रु एक खर्ब बराबर विदेशिने गरेको तथ्यांक पेश गर्दै मन्त्री पुनले नेपाली जनताको चुलोसम्म प्रभाव पर्ने विषयमा गम्भीर भएर काम गर्न निर्देशन दिए । उनले अगाडि थपे “वर्षेनी रु एक खर्ब बराबरको पेट्रोलियम पदार्थ आयातमात्रै रोक्न सकियो भने मात्रै पनि व्यापार घाटा कम गर्न सकिन्छ ।”

राम्रो काम गर्नेलाई पुरस्कार र नराम्रो काम गर्नेलाई दण्ड दिने प्रणालीको विकास गरिने उल्लेख गर्दै मन्त्री पुनले सरकारको भावना, जनताको आवश्यकता र चाहनालाई केन्द्रमा राखेर काम गर्न निर्देशन दिए ।

बत्ती बालेरमात्रै समृद्धि नआउने भएकाले ऊर्जाको विविधीकरण तथा प्रयोगको दायरासमेत बढाउनुपर्ने उनले बताए । उनले नेपाललाई समृद्ध र आर्थिक रुपमा सबल बनाउनका लागि महत्वपूर्ण भूमिका ऊर्जा क्षेत्रकै हुने भएकाले सरकारले अल्पकालीन, मध्यकालीन र दीर्घकालीन कार्ययोजनाका साथ काम गर्ने बताए ।

कार्यक्रममा प्राधिकरणका कार्यकारी निर्देशक कुलमान घिसिङले गत वर्षदेखि पूर्णरुपमा लागू भएको विद्युत्भार कटौतीले सकारात्मक प्रभाव पारेको भन्दै अब व्यवस्थित र विद्युत् विस्तार प्रणालीमा जोड दिएका थिए ।
मन्त्रीका सबै योजनाहरु र निर्देशनलाई तदारुकताका साथ कार्यान्वयन गर्ने प्रतिवद्धता व्यक्त गर्दै उनले कर्मचारीहरुलाई पनि त्यस दिशामा दृढ भएर लाग्न आग्रह गरेका थिए ।

Loading...

Related News

उर्जा मन्त्री वर्षमान पुन स्वास्थ्य लाभपछि डिस्चार्ज

काठमाडौं, १७ कात्तिक – उर्जा मन्त्री वर्षमान पुन अनन्त स्वास्थ्य लाभपछि अस्पतालबाट डिस्चार्ज भएका छन्। उनी शनिबार विहान ११:३०मा डिस्चार्ज…

नेता अनन्तको स्वास्थ्य अवस्था बुझन नेकपा महासचिव पौडेल नर्भिकमा

काठमाडौं, १७ कात्तिक उर्जा जलश्रोत तथा सिंचाई मन्त्री वर्षमान पुन अनन्तको स्वास्थ्य अवस्था बुझ्न नेकपा महासचिव विष्णु पौडेल नभीृक अस्पताल…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी