पहिलो पटक प्रहरी प्रधान कार्यालयको निरीक्षण गर्दै गृहमन्त्री बादलले भने-‘पहिले जस्तो नगर्नु’

178 Hits

काठमाडौँ, १६ फागुन ।

गृहमन्त्री रामबहादुर थापाले पदभार ग्रहणपछि आज पहिलो पटक प्रहरी प्रधान कार्यालयको निरीक्षण गर्दै नयाँ कार्यशैलीका साथ शान्ति सुरक्षाका कामकारबाही अघि बढाउन प्रहरीलाई निर्देशन दिए ।

सो अवसरमा गृहमन्त्री थापाले मुलुकको आर्थिक विकास र समृद्धिका लागि अपराध अनुसन्धानमा दक्षता र शान्ति सुरक्षाको सुनिश्चितता हुन आवश्यक रहेको बताए ।

प्रदेश प्रहरी ऐन तथा क्षेत्राधिकारका साथै पदोन्नति, साधनस्रोतको अभाव लगायतका समस्या रहेकोबारे आफू जानकार रहेको बताउँदै उहाँले ती समस्या समाधानका लागि ठोस योजनासहित मन्त्रालयले काम गर्ने विश्वास दिलाए ।

इतिहासले दिएको नयाँ चुनौतीमाथि सफलता हासिल गर्न सबैको साथ, सहयोग र समन्वय आवश्यकतालाई पनि उहाँले आँल्याए ।

गृहमन्त्री बादलले प्रहरी प्रसासनले गर्ने गतिविधि र व्यवहारले जनताले राज्यप्रति बनाउने धारणा निर्माण हुने भएकाले पहिले जस्तो कुनै पनि आचरण र व्यवहार नगर्न निर्देशन दिएका एक प्रहरीले बताए ।

उनका अनुसार गृहमन्त्री बादलले आफू बहुमत प्राप्त सरकारको गृहमन्त्री भएकाले ढुक्क भएर काम गर्ने वातावरण निर्माण गर्ने बताएका थिए । कसैसँग डाउनु पर्दैन, जनताको शान्ति सुरक्षा र सम्वृद्धिमा प्रहरी बाधक होइन साधक बन्नुपर्छ गृहमन्त्री बादलले भने पहिले जस्तो नगर्नु, नडराउनु नविराउनु म साथमा हुनेछु ।

सो क्रममा गृहमन्त्री थापाले प्रहरी प्रधान कार्यालय कमाण्ड सेन्टर, डिजिटल फरेन्सिक ल्याब र पोलिग्राफ सेक्सनको निरीक्षण समेत गर्नुभयो । उहाँले कमाण्ड सेन्टरमा ‘भिडियो कन्फेरेन्स’बाट प्रदेश प्रहरी प्रमुखहरूलाई शान्ति सुरक्षा कायम राख्ने सम्बन्धमा आवश्यक निर्देशन दिँदै प्रदेश प्रहरीका समस्याहरू समाधान गरिने वचनबद्धता प्रकट गरे ।

प्रहरी महानिरीक्षक प्रकाश अर्यालले एकात्मकबाट संघीय राज्य प्रणालीमा प्रवेश गर्ने अवसर नेपाल प्रहरीको परिप्रेक्ष्यमा नितान्त नौलो भएको बताउँदै गृह मन्त्रालयबाट नीतिगत स्पष्टतासहितको सहजीकरण भएमा संघीयतातर्फ सहज अवतरण गर्न सकिने विश्वास व्यक्त गरे ।

गृहमन्त्री थापालाई प्रहरी महानिरीक्षक अर्यालले प्रहरी संगठनको विकास क्रम, वर्तमान अवस्था, चुनौती, आवश्यकता र अपेक्षाबारे अवगत गराए । (रासस)

Loading...

Related News

झन बढ्दै साइबर अपराध : १ वर्षमा ५ सय ७० उजुरी

काठमाडौं– सरकारले जति कडा नियम कानुन ल्याउन खोज्दैछ त्यति नै साइबर अपराधका घटनाहरु वढिरहेको तथ्यांक सार्वजनीक भएको छ । मुलुकमा…

के हो विप्लव रणनीति ? सोलुखुम्बुमा चौकी कब्जाको प्रयास की प्रचार मात्रै ?

काठमाडौं, २० जेठ-नेत्रविक्रम चन्द विप्लव नेतृत्वको नेकपाका कार्यकर्ताहरुले सोलुखुम्बुको महाकुलुङ गाउँपालिका ३ छेस्कामस्थित प्रहरी चौकी कब्जा प्रयास गरेको छ ।…

Comments are closed




मूलखबर मिडिया प्रालि

सुचना विभाग दर्ता नं - ४६८/०७४/७५

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का