सामुदायिक शिक्षामा टालटुले मात्रात्मक सुधारले सम्भव छैन : प्रचण्ड

106 Hits

भरतपुर, १२ फागुन ।

नेकपा माओवादी केन्द्रका अध्यक्ष प्रचण्डले नेपालको सामुदायिक शिक्षाको स्तर खस्किँदै गएकोमा चिन्ता व्यक्त गर्नु भएको छ ।

नारायणी विद्या मन्दिर माध्यमिक विद्यालयको ५४ औं वार्षिकोत्सवका अवसरमा प्रमुख अतिथिको हैसियतले सम्बोधन गर्नुहुँदै अध्यक्ष प्रचण्डले शिक्षामा नीजिकरणलाई कम गर्दै लैजाने र सामुदायिक शिक्षाको स्तर बढाउन चानचुने प्रयासले नपुग्ने बताउनु भयो ।

“कतिपय देशमा राज्यले शिक्षामा २० प्रतिशत बजेट विनियोजन गरेको हुन्छ ।” अध्यक्षले भन्नुभयो, “तर दुखको कुरा, हामीकहाँ यो घट्दै गइरहेको छ । अब टालटुले मात्रात्मक सुधारले सम्भव छैन । दृढतापूर्वक गुणात्मक परिवर्तनका लागि राज्यले पहल गर्नु जरुरी छ ।”

शिक्षा प्रणाली उत्पादनमुखी, रोजगारी बढाउने र समुदायको हितमा हुनुपर्ने बताउनुहुँदै अध्यक्षले अहिलेको शिक्षाले शिक्षित बेरोजगार उत्पादन गरिरहेकोमा चिन्ता व्यक्त गर्नुभयो । अध्यक्षले भन्नुभयो, “हाम्रो शिक्षा बेरोजगार पैदा गर्ने जस्तो भयो । एमए, पीचडी गरेका समेत कामको खोजिमा विदेशिन बाध्य छन् । रोजगारी र उत्पादनमूलक समुदायको हितका लागि शिक्षा भएन भने हामीले भनेको समृद्धि र विकास असम्भव छ ।”

अध्यक्ष प्रचण्डले शिक्षामा लगानी बढाउन आवश्यक पहल गरिने समेत बताउनु भयो । अध्यक्ष प्रचण्डले आफैंले अध्ययन र अध्यापन गर्नुभएको उक्त विद्यालयमा सिभिल इन्जिनियरिङको पढाईका लागि समेत पहल गर्ने अध्यक्षले बताउनुभयो ।

वि. स २०२१ सालमा स्थापना भएको विद्यालयको भौतिक विकासको निम्ति अध्यक्ष प्रचण्डले गत वर्ष २४ लाख विनियोजन गर्नुभएको थियो । उक्त अवसरमा अध्यक्ष प्रचण्डले बिभिन्न व्यक्तित्वहरुलाई सम्मानपत्र समेत प्रदान गर्नुभएको थियो ।

 

Related News

चितवनमा प्रचण्डका १२ तस्वीर

काठमाडौं, ३१ असाार । नेपाली राजनीतिका मुख्य शिर्ष नेता तथा नेकपाका अध्यक्ष एवं पुर्व प्रधानमन्त्री पुष्पकमल दाहाल प्रचण्ड गत हप्ता…

चितवनलाई केन्द्र मानेर एकीकृत विकासको मोडल तयार- प्रचण्ड

चितवन, नेकपा माओवादी केन्द्रका अध्यक्ष पुष्पकमल दाहाल प्रचण्डले चितवनलाई केन्द्र मानेर एकीकृत विकासको मोडल तयार गर्न आफु लागिपरेको बताएका छन् । उनले…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी