यी हुन् अमेरिकाका ५ उत्कृष्ट र ५ खराब राष्टपति, ट्रम्प कुनमा परे ?

186 Hits

काठमाडौं, ११ फागुन ।
दुई सय राजनीतिक विशेषज्ञ तथा अमेरिकी जनताबीच भएको सर्वेक्षणमा दुई सय २९ वर्ष पुरानो लोकतान्त्रिक मुलुक अमेरिकामा ट्रम्प सबैभन्दा खराब राष्ट्रपति भएको देखिएको हो । एक महिनासम्म चलेको सर्वेक्षणमा ट्रम्प पुछारको ४४औँ स्थानमा परेको अमेरिकी एजेन्सीहरूले जनाएका छन् । राष्ट्रपतिले गरेका काम, उपलब्धि, विवाद, व्यक्तिगत चरित्र तथा कार्यकालको मूल्यांकनका आधारमा उनीहरूलाई नम्बर दिइएको थियो ।

ट्रम्पलाई सयमा १२ अंक
सर्वेक्षणमा सहभागीहरूले एकदेखि सय अंकसम्म दिन पाउने प्रावधान थियो । सय नम्बर पाउने सर्वोत्कृष्ट तथा शून्य नम्बर पाउने खराब भनिएको छ । सर्वेक्षणमा ट्रम्पले १२ अंक पाएका छन् । ट्रम्पले प्राप्त गरेको अंक सबैभन्दा कम हो । यसै अंकका आधारमा ट्रम्प इतिहासकै खराब अमेरिकी राष्ट्रपति बनेका हुन् । निवर्तमान राष्ट्रपति बाराक ओबामाले ७१ अंक पाएका छन् । उनी उत्कृष्ट राष्ट्रपतिको सूचीमा आठौँ स्थानमा रहेका छन् ।

राजनीतिक विशेषज्ञ तथा अमेरिकी जनताबीच भएको सर्वेक्षणमा वर्तमान अमेरिकी राष्ट्रपति ट्रम्पले सबैभन्दा कम १२ अंक र अब्राहम लिंकनले सर्वाधिक ७५ अंक पाए

लिंकन सर्वोत्कृष्ट राष्ट्रपति
राजनीतिक विशेषज्ञ र अमेरिकी जनताले पूर्वराष्ट्रपति अब्राहम लिंकनलाई १०० मध्ये ७५ अंक दिएका छन् । लिंकन अमेरिकी राष्ट्रपति इतिहासकै सर्वोत्कृष्ट भएको जनाइएको छ । जर्ज वासिङ्टन ९३ अंकका साथ दोस्रो स्थानमा छन् । सर्वेक्षणमा डेमोक्रेटिकबाट ५७, रिपब्लिकनबाट १३ तथा अन्य विचारधारबाट २७ प्रतिशतले सहभागिता जनाएका थिए ।

पाँच उत्कृष्ट राष्ट्रपति
१ अब्राहम लिंकन, २ जर्ज वासिङ्टन, ३ फ्यालिन रुजवेल्ट, ४ थियोडर रुजवेल्ट, ५ थोमस जेफरसन

पाँच खराब राष्ट्रपति
१ डोनाल्ड ट्रम्प, २ जेम्स बुकैनन , ३ विलियम हेनरी हेरिसन, ४ फ्यालिन पियर्स, ५ एन्ड्र्यु जोन्सन

सन् १९८० पछि पाँच उत्कृष्ट
१ बाराक ओबामा ९आठौँ स्थान०
२ जर्ज डब्लु बुस ९३०औँ स्थान०
३ बिल क्लिन्टन ९१३औँ स्थान०
४ जर्ज एच डब्लु बुस ९१७औँ स्थान०
५ रोनाल्ड रेगन ९नवौँ स्थान०

पदबाट हटेपछि ओबामा चर्चित
दुईपटक अमेरिकी राष्ट्रपति बनेका ओबामा अहिले अमेरिकीमाझ बढी चर्चित छन् । राष्ट्रपतिमा रहँदा उनी त्यति चर्चित थिएनन् । अहिले पदबाट हटेपछि ओबामा चर्चित राष्ट्रपति बनेको सर्वेक्षणमा देखिएको छ । ओबामाको वरीयतामा दश स्थान सुधार आएको अमेरिकी एजेन्सीहरूले जनाएका छन् । चार वर्षअघि भएको सर्वेक्षणमा ओबामा १८औँ स्थानमा थिए । त्यसवेला उनी राष्ट्रपति नै थिए । पछिल्लो ३८ वर्षको इतिहासमा ओबामालाई सबैभन्दा राम्रा राष्ट्रपतिका रूपमा हेरिएको छ । सन् १९८० मा रोनाल्ड रेगनपछि बनेका राष्ट्रपतिहरूले ओबामाभन्दा तलको वरीयता पाएका छन् ।

क्लिन्टन पाँच स्थान तल
ओबामाअघिका राष्ट्रपति बिल क्लिन्टन १३औँ स्थानमा छन् । सर्वेक्षणमा क्लिन्टन शीर्ष दशभित्र रहने अनुमान गरिएको थियो । तर, दुई वर्षअघि सम्पन्न राष्ट्रपति चुनावमा आफ्नी श्रीमती हिलारी क्लिन्टनको चुनावी अभियानमा लाग्दा क्लिन्टनको ख्याती कम भएको एजेन्सीहरूले जनाएका छन् । चार वर्षअघि क्लिन्टन आठौँ स्थानमा थिए ।

Loading...

Related News

Over 22 million Pakistani children are out of school

Pakistan, 15 NOv More than 22 million children are still out of school in  Pakistan  A new report by Human…

नाइजेरियामा बोको हरामको आक्रमण, १६ किसान मारिए, दर्जनौँ बेपत्ता

एजेन्सी कानो, २८ कात्तिक नाइजेरियाको उत्तरपूर्वी बोर्नो राज्यमा बोको हराम समूहले गरेको आक्रमणमा परी कम्तीमा १६ किसानको मृत्यु भएको जनाइएको…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी