नेपाल भ्रष्टाचारमा अगाडि रहेको प्रतिवेदन सार्वजनीक भएकै दिन पर्यटन बोर्डको यस्तो रहस्य उदघाटन

183 Hits

काठमाडौं, ११ फागुन ।
नेपाल भ्रष्टाचारमा निकै अगाडि रहेको सार्वजनीक भएकै दिन नेपाल पर्यटन बोर्डका तत्कालीन कार्यकारी अधिकृत सुवास निरौलासहित ३ जनालाई विशेष अदालतले भ्रष्टाचारी ठहर गरेको छ।

विहिबार विषेशका अध्यक्ष न्यायाधीश बाबुराम रेग्मी, सदस्य न्यायाधीशहरु द्वारिकामान जोशी र नारायण कुमार पोखरेलको इजलासले उनीहरुलाई भ्रष्टाचारी ठहर गर्दै कैद र जरिवाना सार्वजनीक गरेको हो ।

पुर्व कार्यकारी निरौलालाई ७ वर्ष कैद र ८० लाख ५१ हजार ३ सय ६२ जरिवाना सुनाएको छ। उनलाई अख्तियारले फर्जी टिकट पेश गरेर भुक्तानी लिएको, मरिदा खरिदको नक्कली विल पेश गरेर भुक्तानी लिएको लगायतका काम गरि ३३ करोड ७२ लाख अनियमितता गरेको अभियोग लगाउँदै तीनवर्ष पहिले विषेश अदालतमा मुद्दा दायर गरेको थियो।

त्यस्तै, पर्यटन बोर्डका तत्कालिन लेखा अधिकृत अनिलकुमार दासलाई ६ वर्ष कैद र ५० लाख २९ हजार जरिवाना सुनाएको छ। त्यस्तै विषेशले एसियन ट्राभल्स एण्ड टुर्सका महेन्द्र खनाललाई १ लाख ५४ हजार विगो र त्यति नै जरिवाना गरेको छ। उनलाई कैद सजाय भने सुनाएन।

यो मुद्दाका २३ मध्ये २० प्रतिवादीलाई विषेशले सफाई दिएको छ। अख्तियारले पूर्व सिइओ प्रचण्डमान श्रेष्ठ, पूर्वपर्यटन सचिव सुशील घिमिरे, पूर्व वन सचिव शरदचन्द्र पौडेललगायतलाई यो मुद्दामा प्रतिवादी बनाएको थियो। तर उनीहरुलाई विषेशले सफाइ दिएको छ।

Loading...

Related News

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी