एकीकृत पार्टीकोे अध्यक्षको रुपमा प्रचण्डको पहिलो भेट चिनिया उपमन्त्रीसँग

अध्यक्ष प्रचण्डलाई चिनियाँ राष्ट्रपती शी जिनपिङले लेख्नुभएको पुस्तक “द गभर्नेन्स अफ चाइना–२” हस्तान्तरण गर्नुभएको थियो ।
201 Hits

काठमाडौं, ८ फागुन

नेपाल कम्युनिष्ट पार्टीका नवनियुक्त अध्यक्ष प्रचण्डको पहिलो भेट चिनिया कम्युनिष्ट पार्टीको विदेश विभाग उपमन्त्रीसँग भएको छ । चिनियाँ कम्युनिस्ट पार्टी विदेश विभागका उपमन्त्री र नेपाल कम्युनिष्ट पार्टीका नवनियुक्त अध्यक्ष प्रचण्डबीच भेटवार्ता सम्पन्न भएको छ ।

अध्यक्ष प्रचण्डको निवास खुमलटारमा  बिहान भएका भेटका अवसरमा नेपालको पछिल्लो राजनीतिक घटनाक्रम तथा चीन र नेपालका बीच आपसी सहयोगका बारेमा छलफल भएको थियो । भेटका अवसरमा वहाँले नेकपा (एमाले) र नेकपा (माओवादी केन्द्र)बीच पार्टी एकताका लागि ७ बुँदे सहमतिका बारेमा जिज्ञासा राख्नु भएको थियो ।

अध्यक्ष प्रचण्डले नेपालमा राजनीतिक स्थायित्व, विकास र समृद्धिका लागि पार्टी एकता गर्ने निर्णयमा दुबै पार्टी पुगेको बताउँदै यो नेपाली इतिहासमा दूरगामी परिघटना भएको बताउनुभयो । अध्यक्ष प्रचण्डले आर्थिक विकास गरेर समाजवादको लामो यात्रामा जाने उद्देश्यसाथ सुरु भएको एकताले नेपाली विशेषता अनुरुपको समाजवादको सैद्धान्तिक कार्यदिशा निर्माण गर्ने समेत बताउनुभयो ।

चिनियाँ उपमन्त्रीले दुई पार्टीको एकीकरणको स्वागत गर्नुहुँदै यो एकताले राजनीतिक स्थायित्व र विकासका निम्ति धेरै ठूलो काम गर्ने बताउनुभयो । चीन सरकारसँग यसअघि भएका सम्झौताहरुलाई व्यवहारमा रुपान्तरण गर्ने बताउनुहुँदै वहाँले एकीकृत पार्टीलाई चीनको तर्फबाट पूर्ण सहयोग हुने प्रतिबद्धता व्यक्त गर्नुभयो । नेपालको स्थायित्व, समृद्धि र विकासका लागि चीन सरकारले नेपाल सरकारलाई विगतदेखि पुर्याउँदै आएको सहयोगलाई निरन्तरता दिँदै भविष्यमा झन ठूलो सहयोग गर्ने समेत वहाँले बताउनुभयो ।

भेटका अवसरमा उपमन्त्री येझाऊले अध्यक्ष प्रचण्डलाई चिनियाँ राष्ट्रपती शी जिनपिङले लेख्नुभएको पुस्तक “द गभर्नेन्स अफ चाइना–२” हस्तान्तरण गर्नुभएको थियो ।

Related News

शहीद रामवृक्ष यादवलाई सम्झींदै नेकपा अध्यक्षले भने -‘शहीदहरुको सपना पुरा हुँदैछ’

धनुषा, ३ भदौ । नेपाल कम्युनिष्ट पार्टी (नेकपा)का अध्यक्षद्धय पुष्पकमल दाहाल ‘प्रचण्ड’ र प्रधानमन्त्री के पी शर्मा ओलीले शहीदहरुको सपना…

सरकार र सदनमा सहभागी नेकपाका नेताहरुले पार्टीमा मुख्य जिम्मा नपाउने

काठमाडौं, २४ साउन । नेपाल कम्युनिस्ट पार्टि (नेकपा) को सचिबालय बैठक सकिएको छ। बैठकले तल्लो तहमा हुने एकतामा संघीय र…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी