माओवादी एमाले एकताको अन्तिम गृहकार्यमा, प्रधानमन्त्री निवास बालुवाटरमा भित्र बैठक, बाहिर पत्रकार

86 Hits

काठमाडौँ, ७ फागुन ।
लामो आशंका र अधैर्यतालाई चिर्दै अन्नतः नेपालका दुई ठूला वामपंथी पार्टीहरु एकताको अन्तिम तयारीमा जुटेका छन् ।
नेकपा (एमाले) र नेकपा (माओवादी केन्द्र) पार्टी एकता को अन्तिम गृहकार्यस्वरुप संयोजन समितिको बैठक प्रधानमन्त्री निवास बालुवाटारमा जारी छ ।

यही फागुन २ गते पार्टी एकता संयोजन समितिको मानभवन लतिलपुरमा बसेको बैठकमा केही सैद्धान्तिक विषयमा मिलाउन बाँकी थियो । त्यसपछि भक्तपुरमा हिजो भएको माओवादी अध्यक्ष प्रचण्ड र
एमाले अध्यक्ष के पी ओलीको वार्तामा भएको सहमतिलाई आजको संयोजन समितिको बैठकले अनुमोदन गर्ने तथा थप कार्यदल बनाएर एकता टुंग्याउने विषयमा बैठक जारी रहेको छ । आजको बैठकले सैद्धान्तिक र संगठनात्मक दुवै विषयमा मिलाउन कार्यदल गठन गर्ने र पार्टी एकताको मिति घोषणा गर्ने अनुमान गरिएको छ ।

एकता संयोजन समितिको बैठक भित्र चलिरहँदा संचारकर्मी पत्रकारहरु भने वाहिर संचारकर्मी कक्षमा राती सम्म समाचार कुरिरहेका छन् ।
बैठकमा प्रधानमन्त्री तथा एमालेका अध्यक्ष केपी शर्मा ओली, वरिष्ठ नेता झलनाथ खनाल, पार्टीका नेता माधवकुमार नेपाल र उपाध्यक्ष वामदेव गौतम तथा माओवादी केन्द्रका अध्यक्ष पुष्पकमल दाहाल ‘प्रचण्ड’ तथा नेताहरु नारायणकाजी श्रेष्ठ र रामबहादुर थापा सहभागि छन् । तस्विर -टेनिस रोका

Related News

माअाेवादी एमाले एकता अाज (कार्यसुची), अाज नै दुबै नाम हट्ने, ५ बजे पत्रकार सम्मेलन

काठमाडाै‌,  ३ जेठ । निकै लामाे प्रतिक्षा र अाश‌का चिर्दै अन्तत नेपालका ठूला दुइ कम्युनिष्ट पार्टीहरु एक हुने भएका छन्…

माओवादी-एमाले एकतापछिको मार्गदर्शक सिद्धान्त ‘जनताको जनवाद’, अरु केके भए सहमति ?

काठमाडौं, २ जेठ । नेपालका मुख्य २ ठूला बामपंथी पार्टी नेकपा माओवादी केन्द्र र एमालेबीच एकतापछिको एकीकृत पार्टीको मार्गदर्शक सिद्धान्त…

Comments are closed