माओवादी-एमाले एकता संयोजन समितिको बैठक आज, एकताबारे आजै टुंगो लगाइने

164 Hits

काठमाडौं, २६ माघ ।
नेकपा एमाले र नेकपा माओवादी केन्द्रको एकता संयोजन समितिको बैठक आज बस्ने भएको छ । माओवादीका अध्यक्ष पुष्पकमल दाहाल प्रचण्ड र एमाले अध्यक्ष केपी शर्मा ओलीबीच भएको सहमति अनुसार आज एकता संयोजन समितिको बैठक बस्ने भएको छ ।
बैठकमा पार्टी एकता, सरकार गठन र नेतृत्व र विचारमा नमिलेका विषयहरुबारे पनि छलफल गरी थप कार्यदल निर्माण गरिने बताइएको छ

बैठकमा एकतासम्बन्धी कार्यप्रगति समीक्षा गर्दै आगामी कार्यभारबारे छलफल गरिने बताइएको छ ।  बिहीबार एमाले अध्यक्ष केपी ओली र माओवादी अध्यक्ष प्रचण्डबीच ललितपुरको मानभवनस्थित एक निजी निवासमा एक्लाएक्लै वार्ता भएको थियो । उक्त वार्तामा दुवै अध्यक्षले संयोजन समितिको बैठक बोलाएर थप छलफल गर्ने निर्णय गरेका हुन् ।

एकता समितिको १८ माघको बैठकले दुई अध्यक्षबीच अझै छलफल गर्ने, समितिका नेताहरूबीच पनि अनौपचारिक छलफल गर्ने र समितिको बैठक बसेर कार्यदल गठन गरी एकता प्रक्रिया टुंग्याउने छलफल भएको थियो । बिहीबार दुई अध्यक्षबीच सैद्धान्तिक र भावनात्मक विषयमा छलफल केन्द्रित भएर संयोजन समितिको बैठक बोलाइएको महराले बताए । बिहीबारको छलफल त्यसैको निरन्तरता भएको उनले बताए । ‘पहिलेका बैठककै निरन्तरतास्वरूप छलफल भएको हो, ठ्याक्कै निष्कर्षमा आज पनि पुगिएको छैन । छलफल अझै जारी छ’, उनले भने, ‘थप छलफल गर्न एकता संयोजन समिति बैठक बोलाइने छ।’

एमालेका एक नेताका अनुसार ओली र प्रचण्डबीच सरकार निर्माण र पार्टी एकताका विषयमा गोप्य छलफल भएको हो । पछिल्लो समय पार्टी एकताका विषयमा फरक विचार बाहिर आएको भन्दै दुवै नेताले गठबन्धन बन्दा निर्वाचनमा पुगेको फाइदालाई मध्यनजर गरेर यसलाई दिगो बनाउन दुवै दल गम्भीर हुनुपर्ने धारणा राखेका थिए ।

दुवै नेताले सरकार निर्माण गर्दा कुन पार्टीको कति जना मन्त्री बनाउने भन्ने विषयमा पनि संयोजन समितिमा छलफल गरेर टुंगोमा पुग्ने सहमति गरेका छन् । प्रतिनिधिसभा र राष्ट्रिय सभाको निर्वाचन सम्पन्न भएसँगै अब बन्ने सरकार र एकीकृत पार्टीको मोडालिटीका विषयमा थप छलफल गर्न एकता संयोजन समितिको बैठक बस्नुपर्ने अध्यक्षद्वयको निष्कर्ष छ ।

एमाले सरकार निर्माणपछि पार्टी एकता गर्नुपर्ने पक्षमा छ । पहिला सरकार गठन गरेर मात्रै पार्टी एकता गर्नुपर्नेमा अध्यक्ष ओलीले जोड दिएका छन् । तर, माओवादीले सरकार निर्माणसँगै पार्टी एकता प्रक्रिया पनि अघि बढाउनुपर्नेमा जोड गरिरहेको छ ।

पार्टी एकता सरकार गठनअघि सम्भव नभए पनि पार्टी एकताको खाका पहिला नै तयार गर्नुपर्ने अध्यक्ष प्रचण्डले प्रस्ताव गरेपछि ओली त्यसमा सहमत भएका हुन् । नयाँ बन्ने सरकारको प्रधानमन्त्रीका साथै एकीकृत पार्टी अध्यक्ष पनि ओली आफैं हुन खोजेका छन् । तर, माओवादीले प्रधानमन्त्री र एकीकृत पार्टी अध्यक्षमा रोजेर एक लिनुपर्ने र छोडेको पद आफूले पाउनुपर्ने दाबी प्रस्तुत गर्दै आएको छ ।

पार्टी एकतापछि सरकारको नेतृत्व गर्ने नेताले पार्टीको नेतृत्व अर्कोलाई दिनुपर्ने माओवादीको मागका विषयमा पनि ओली केही लचक भएको प्रचण्डको सचिवालय स्रोतले जनाएको छ । आआफ्नो अडानमै रहिरहने हो भने पार्टी एकता सम्भव नहुने भन्दै दुवै नेताले सरकार गठन र पार्टी एकता प्रक्रिया टुंगोमा पु-याउने विषयमा थप छलफल गर्न संयोजन समितिलाई जिम्मा दिने सहमति गरेका हुन् ।

दुवै नेता संयोजन समितिले तयार पारेको मोडालिटीमा आफू सहमत हुने जनाएपछि सरकार गठनअघि नै एकताको खाका तयार पार्न संयोजन समिति बैठक शुक्रबार बस्ने माओवादी केन्द्रका नेता मातृका यादवले बताए । पार्टी एकता प्रक्रिया जटिल समयमा पुगेको विश्लेषण भइरहेका बेला संयोजन समितिको बैठकले थप निर्णय गर्ने विश्वास नेताहरूले व्यक्त गरेका छन् ।

माओवादीले सरकार गठनअघि नै एकता प्रक्रिया टुंगोमा पुर्‍याउन जोड गरिरहेको छ तर एमाले भने सरकार गठन र एकता प्रक्रिया सँगसँगै छलफलमा लगेर टुंग्याउने बताउँदै आएको छ । -राजधानी दैनिकको सहयोगमा

Loading...

Related News

पार्टी एकतासँगै जनसंगठनको नाम पनि संशोधन, यस्तो बन्दै छ कम्युनिस्ट पार्टीको संरचना

काठमाडौं, ११ चैत । आजको एक महिनामा एउटै कम्युनिष्ट पार्टीको नाममा सार्वजनीक हुने तयारीमा रहेका दुई ठूला कम्युनिष्ट पार्टीहरु नेकपा…

Notes on 21st Century Imperialism

Understanding Imperialism Transformation of capitalism into imperialism, which Lenin recognized as the highest state of capitalism, is inevitable. Lenin’s understanding…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी