एकता भाँड्न प्रतिक्रियावादीहरु सल्बलाए : प्रचण्ड

181 Hits

काभ्रे, १८ माघ ।
नेकपा माओवादी केन्द्रका अध्यक्ष प्रचण्डले एमाले र माओवादीबीच हुने भनिएको पार्टी एकता भाँड्न प्रतिक्रियावादीहरु सल्बलाएको बताएका छन् । निर्वाचन अघि नै एकता गर्ने गरी अगाडि वढेका नेकपा माओवादी केन्द्र र एमालेबीच निर्वाचन सम्पन्न भएको दुई महिना वितिसक्दा पनि एकता हुन नसकिरहेको बेला प्रचण्डले उक्त खुलासा गरेका हुन् ।
बिहीबार काभ्रेको महाभारत गाउँपालिकामा आयोजित कार्यक्रमलाई सम्वोधन गर्र्दै प्रचण्डले प्रतिक्रियावादीहरुको योजना विफल बनाउन आफुहरु लागेको भन्दै जनतालाई नयाँ सन्देश दिनेगरि पार्टी एकता हुने बताए ।

प्रचण्डले ७० वर्षदेखि अहिलेसम्म यस्तै प्रतिक्रियावादीहरुले देशलाई अगाडि बढ्न नदिएको भन्दै अब उनीहरुको योजना सफल हुन नसक्ने दावी गरे । ’वाम एकता रोक्न प्रतिक्रियावादीहरु सल्बलाएका छन्,’ उनले भने, ‘हामी केही दिनमै पार्टी एकता गरेर नयाँ संदेश दिन्छौं ।’

अहिलेको सरकारले तोकेको राजधानी अस्थायी भएको भन्दै काभ्रेवासीलाई प्रदेश ३ को राजधानी काभ्रेमै हुनसक्ने आश्वासन समेत प्रचण्डले दिए । प्रचडले आवश्यकता अनुसार प्रदेशसभा सरकारले काभ्रेमै राजधानी बनाउन सक्ने बताएका हुन् ।
जनयुद्धको आधार इलाका रहेको महाभारत गाउँपालिकामा हेलिकोप्टरमार्फत पुगेका प्रचण्डले आफूहरु जनयुद्धको मल्य र मान्यतामा दाया बाँ नगरेको स्पष्ट पारेका थिए । उनले पाटीृ उकतामा जनयुद्धको मान्यताको सम्मान हुने बताए ।

माओबादी केन्द्रका अध्यक्ष प्रचण्डलाई महाभारत गाउपालिकाको अवस्थाबारे जानकारी गराउने र प्रचण्ड लगाएत जिल्लाबाट निर्वाचित प्रतिनिधिसभा र प्रदेशसभाका सात जना सांसदलाई सम्मान गर्ने कार्यक्रममा विहिवार हेलिकप्टरबाट डाडापारि पुग्नु भएका अध्यक्ष प्रचण्डले राष्ट्रिय राजनीतिबारे बोल्दै भन्नुभयो– बाम गठबन्धनको सरकार बन्न र एकता रोक्न प्रतिक्रियाबादीहरु लागि परेका छन् । उहाले छिट्टै बाम गठबन्धनको जनवादी सरकार गठन हुने पनि सो कार्यक्रममा बताउनु भएको थियो ।

कार्यक्रममा महाभारत गाउपालिकाका अध्यक्ष कान्छालाल जिम्बाले विकट क्षेत्र डाडापारिको विकासको लागि माओबादी अध्यक्ष प्रचण्डलाई चौधवुदे मागपत्र पेश गर्नुभएको थियो । गाउपालीका अध्यक्ष जिम्बाको माग बमोजिम अध्यक्ष प्रचण्डले नया सरकार गठन लगत्तै काभ्रेको खानीखोला र महाभारत गाउपालिकालाई तत्काल विषेश क्षेत्र घोषणा गरिने पनि बताउनु भएको थियो । संविधानमा विकट गाउपालिकालाई विशेष क्षेत्र घोषणा गरिने प्राब्धान रहेको छ ।

‘सडक पु-याउने व्यवस्था तत्काल मिलाउछु’

केन्द्रिय राजधानीसंग जोडिएको जिल्लामा पनि सडक सञ्जाल नपुगेको बारे अध्यक्ष प्रचण्डले अचम्म मान्दै भन्नुभयो– यहा सडक पु¥याउने व्यवस्था तत्काल मिलाउछु । जिल्ला सदरमुकाम बाट यहा सम्म सडक विस्तार गर्न १० किलोमिटर ट्राक खोल्न बाकी छ । काभ्रेको विकट मानिएको डाडापारि क्षेत्रमा ललितपुर, सिन्धुली र मकानपुर बाट आउने ६ वटा सडकको लागि पनि बजेट व्यवस्था गरिदिन गाउपालिका अध्यक्ष जिम्बाले राखेको मागलाई पनि प्रचण्डले तत्काल संवोधन गर्ने बचन दिनुभएको थियो ।

डाडापारि क्षेत्रमा सामुदायीक अस्पताल खोल्ने कुरामा पनि माओबादी अध्यक्ष प्रचण्डले तत्काल सहयोग गर्ने भन्दै सामुदायीक अस्पताल खोल्न स्थानीयतह प्रक्रिया पुरा गरि तत्काल आउन पनि आग्रह गर्नुभएको थियो । प्रचण्डले डाडापारि क्षेत्रमा विधुतको केन्द्रिय प्रशारण लाईन पनि तत्काल जोड्न प्रक्रिया थालनी गर्ने आश्वासन पनि यहाका जनतालाई दिनुभएको थियो ।

इलाका प्रशासन कार्यालय डाडापारिको बनखुमा राख्ने बारेमा पनि माओबादी अध्यक्ष प्रचण्डले विहिवार नै प्रमुख जिल्ला अधिकारी र गृह मन्त्रालयको ध्यानाकर्षण गराउनु भएको थियो । तीन वर्ष अघि साविक घर्तिछाप गाविसमा इलाका प्रशासन कार्यालय खोल्ने निर्णय भई र कर्मचारी र वजेटको पनि व्यवस्था भएको थियो । तर, कर्मचारीहरुले भने सदरमुकममै बसि तलब भक्ता खाएको र त्यहा गएका थिएनन् । अब बनखुमा तत्काल इलाका प्रशासन कार्यालय स्थापना गर्न माओबादी अध्यक्ष प्रचण्डले सम्बन्धित निकायको ध्यानाकर्षण गराउनु भएको थियो ।

डाडापारि क्षेत्रमा स्थानिय खोलाबाट विधुत उत्पादन, कफि र जडिबुटी प्रशोधन केन्द्र स्थापनाका साथै क्याम्पस खोल्ने कुरामा पनि अध्यक्ष प्रचण्डले नया सरकार गठन लगत्तै सबै काम अघि बढाउने बताउनु भएको थियो । सम्मान कार्यक्रममा जिल्लाबाट निर्वाचित सांसदहरु गोमा भुर्तेल, गोकुल बास्कोटा, बमध्वज, रत्न ढकाल, चन्द्रलामा, लक्ष्मण लम्साल र बसुन्धरा हुमागाईका साथै नुवकोटका सांसद हितवहादुर तामाङलाई पनि सम्मान गरिएको थियो ।

Loading...

Related News

माथि पुग्न सजिलो छ, तर टिकिरहन गाह्रो छ : प्रचण्ड

काठमाडौं, २३ मंसिर– नेकपा अध्यक्ष एवं पुर्व प्रधानमन्त्री पुष्पकमल दाहाल प्रचण्डले कोही पनि माथि चढ्ने कुरा सामान्य भएको तर चुचुरोमा…

नेकपाले बोलायो स्थायी समिति बैठक, चार नेता गए कता ?

काठमाडौं, २२ मंसिर । सत्तारुढ नेकपाले स्थायी पार्टीको दोश्रो तहको वलियो संरचना समितिको बैठक डाकेको छ । प्रधानमन्त्री निवास बालुवाटारमा…

Comments are closed




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी